LEXO PA REKLAMA!

SHKARKO APP

Gruaja 70-vjeçare nga Uganda lind binjakë

30 Nëntor 2023, 17:07, Kosova & Bota CNA

Gruaja 70-vjeçare nga Uganda lind binjakë

Një grua 70-vjeçare ka lindur binjakë pas trajtimit me Fekondim in vitro (IVF), ka thënë një spital në Ugandë, sipas BBC.

Safina Namukwaya lindi një djalë dhe një vajzë me operacion cezarian në një qendër fertiliteti në kryeqytetin, Kampala. Namukwaya, e cila është një nga gratë më të vjetra që ka lindur, tha për mediat lokale se ishte një "mrekulli".

Spitali e uroi atë, duke thënë se është më shumë se një sukses mjekësor.

Namukwaya i tha gazetës Daily Monitor të Ugandës se shtatzënia e saj kishte qenë e vështirë pasi partneri e braktisi kur kuptoi se ajo do të kishte binjakë.

"Burrave nuk u pëlqen t'u thuhet se keni më shumë se një fëmijë. Që kur tregova këtu, burri im nuk është shfaqur kurrë," tha ajo.

Kjo është lindja e dytë e Namukëaya në tre vjet. Ajo solli në jetë një vajzë në vitin 2020.

Ajo tha se kishte dashur të kishte fëmijë pasi e tallnin se ishte pa fëmijë.

"Unë u kujdesa për fëmijët e njerëzve dhe i pashë të rriteshin dhe të më linin të qetë. Pyesja veten se kush do të kujdesej për mua kur të plakem," citohet të ketë thënë ajo.

Zakonisht gratë kalojnë menopauzë midis moshës 45 dhe 55 vjeç. Fertiliteti bie rreth kësaj kohe, por përparimet në mjekësi kanë bërë të mundur që ato të lindin.

Fekondimi in-vitro (IVF) është një nga disa teknika. Gjatë procesit një vezë hiqet nga vezoret e një gruaje dhe fekondohet me spermë në një laborator.

Veza e fekonduar, e quajtur embrion, më pas kthehet në barkun e gruas për t'u rritur dhe zhvilluar./ CNA

Lajmet e fundit nga