LEXO PA REKLAMA!

SHKARKO APP

Hap i madh për Kosovën/ Votohet sot anëtarësimi në Këshillin e Evropës

16 Prill 2024, 08:42, Kosova & Bota CNA

Hap i madh për Kosovën/ Votohet sot anëtarësimi në

Këtë të martë, në Asamblenë Parlamentare të Këshillit të Evropës, do të zhvillohet debat dhe më pas do të votohet për anëtarësimin e Kosovës në Këshillin e Evropës.

Raporti për anëtarësimin e Kosovës u përpilua nga deputetja greke dhe raportuesja, Dora Bakoyannis.

Drafti i këtij raporti u miratua në mars nga Komiteti për Politikë dhe Demokraci i kësaj organizate.

Për t’u miratuar nga Asambleja Parlamentare e Këshillit të Evropës duhet të sigurohet një shumicë prej dy të tretave të votave të anëtarëve të pranishëm në mbledhje.

Asambleja Parlamentare ka 46 shtete anëtare me gjithsej 302 anëtarë, plus 306 zëvendësues. 34 shtete e kanë njohur Kosovën si shtet, ndërsa 14 që nuk e kanë njohur.

Megjithatë, delegacioni nga Kosova është shprehur optimist për një votim pro, pranimit të shtetit në KiE. 

Në qoftë se votimi është i suksesshëm, i njëjti raport do të procedohet te Komiteti i Ministrave, takim i cili do të mbahet më 16 dhe 17 maj të këtij viti.

Ky është testi i dytë për Kosovën, në rrugën e saj drejt anëtarësimit në Këshillin e Evropës, që cilësohet si një "gjysmëfinale"./ CNA

Lajmet e fundit nga