Finlanda ndalon hyrjen e makinave me targa ruse

19 Shtator 2023, 07:52, Kosova & Bota CNA

Finlanda ndalon hyrjen e makinave me targa ruse

Foto ilustruese

Autoritetet finlandeze kanë thënë se vendi nuk do të lejojë më hyrjen e makinave me targa ruse në territorin e saj.

Ministria e Punëve të Jashtme të Finlandës tha se vendimi është marrë në përputhje me udhëzimin për interpretim të Komisionit dhe i njëjti theksoi se ndalimi ka filluar të hyjë në fuqi më 16 shtator, transmeton "SchengenVisaInfo.com".

Siç sqaron Ministria, tani që ndalimi ka hyrë në fuqi, vetëm shtetasit e BE-së me banim të përhershëm në Rusi dhe anëtarët e familjeve të tyre, diplomatët dhe ata që udhëtojnë për arsye humanitare do të lejohen të hyjnë në Finlandë me një makinë të regjistruar në Rusi.

Ministria e Punëve të Jashtme të Finlandës

Ndërsa për makinat me targa ruse që ndodheshin tashmë në territorin e Finlandës para hyrjes në fuqi të vendimit, Ministria tha se ato duhet të largohen nga vendi deri më 16 mars 2024.

Komisioni i Bashkimit Evropian nxori një udhëzim interpretimi në lidhje me ndalimin e importit të makinave ruse më 8 shtator. Sipas udhëzuesit të interpretimit, në përputhje me Rregulloren e Këshillit nr. 833/2014, hyrja e një makine me Targat ruse në territorin e BE-së janë të ndaluara pa mëdyshje.

Interpretimi i rregullores u përditësua nga Komisioni më 12 shtator, ku ky i fundit theksoi se ekziston rreziku i shmangies së sanksioneve për makinat dhe u bëri thirrje autoriteteve kompetente të shteteve anëtare që t'i kushtojnë vëmendje të veçantë hyrjes së tyre.

Ngjashëm me Finlandën, Estonia gjithashtu ka ndaluar hyrjen e makinave me targa ruse në territorin e saj. Vendimi i Estonisë për të ndaluar hyrjen në makinat me targa ruse u njoftua nga Ministri i Punëve të Jashtme të Estonisë, Margus Tsahkna, i cili tha se rusët nuk janë të mirëpritur në vend për të "gëzuar privilegjet që liria ofron derisa Ukraina të ketë arritur fitoren".

Në përputhje me udhëzimet e Komisionit të BE-së, autoritetet estoneze thanë se ndalimi i hyrjes për automjetet zbatohet pavarësisht nga arsyet e drejtuesve për qëndrimin e tyre në Estoni ose në ndonjë vend tjetër të BE-së.

Autoritetet ruse kanë këshilluar tashmë të gjithë qytetarët e vendit që të mos udhëtojnë në BE me makinat e tyre./ CNA