LEXO PA REKLAMA!

SHKARKO APP

Dioqeza Rashkë-Prizren: Personat e armatosur janë larguar nga Manastiri i Banjskës

24 Shtator 2023, 20:22, Kosova & Bota CNA
Dioqeza Rashkë-Prizren: Personat e armatosur janë larguar nga
Manastiri i Banjskës

Situata në Manastirin e Banjskës, ku ishin ngujuar agresorët, është qetësuar.

Këtë e ka konfirmuar Dioqeza Rashkë-Prizren, e cila me anë të një deklarate thotë se personat e armatosur janë larguar nga manastiri.

Dioqeza njofton se në ambjentet e jashtme të manastirit kanë shkuar forcat e Policisë së Kosovës dhe EULEX-it.

“Dioqeza e Rashkë-Prizren njofton opinionin se gjendja në Manastirin e Banjskës aktualisht është e qetë, ndonëse ende ndihet frika nga ngjarjet e sotme si në rrethinë ashtu edhe në vetë portën e manastirit. Personat e armatosur që depërtuan sot janë larguar nga manastiri dhe aktualisht është vërejtur prania e Policisë së Kosovës dhe EULEX-it para portës së hyrjes dhe në oborrin e manastirit”, thuhet në njoftim.

Gjithashtu, Dioqeza Rashkë-Prizren thekson se të gjithë personat e ndodhur në manastir janë në gjendje të mirë shëndetësore, pavarësisht frikës për përplasjet e policisë me agresorët.

“Në konviktin e manastirit ndodhet ende igumeni me vëllezërit e tij, si dhe një grup besimtarësh nga Novi Sadi, mes të cilëve edhe dy fëmijë të mitur. Drejtoria e Manastirit njofton se të gjithë tani për tani janë mirë”, nënvizohet në deklaratë./ CNA

Lajmet e fundit nga