LEXO PA REKLAMA!

SHKARKO APP

App Store
Google Play

A do eleminohet Zelensky?/ Reagon Kremlini: As nuk e përgënjestrojmë dhe as nuk e konfirmojmë

6 Shkurt 2023, 19:11, Kosova & Bota CNA

A do eleminohet Zelensky?/ Reagon Kremlini: As nuk e

Zëdhënësi i Kremlinit, Dmitry Peskov, ka refuzuar të konfirmojë ose mohojë pretendimin se presidenti Vladimir Putin ka premtuar se nuk do të vrasë homologun e tij ukrainas, Vladimir Zelensky. Peskov tha se Moska nuk dëshiron të zbulojë detaje në lidhje me bisedat sensitive me liderët e huaj.
Të shtunën, ish-kryeministri izraelit, Naftali Bennett, deklaroi në një intervistë se gjatë takimit të tij me Putinin marsin e kaluar, lideri rus e siguroi atë dhe i dha fjalën e tij se Zelensky nuk do të "vritet" apo "eliminohet".


I pyetur për t'iu përgjigjur këtij pretendimi të hënën, Peskov konfirmoi se të dy liderët zhvilluan një dialog shumë intensiv dhe komunikuan shpesh gjatë mandatit të Bennett si kryeministër, megjithatë, zëdhënësi refuzoi të ndajë informacione konfidenciale.


“Në të vërtetë, në axhendë, përveç marrëdhënieve dypalëshe, ishte edhe tema e Ukrainës”, tha Peskov para gazetarëve.
“Por ju e dini se ne nuk jemi në favor të zbulimit të detajeve të bisedimeve mes krerëve të shteteve, prandaj, nuk do ta përgënjeshtroj dhe as do ta konfirmoj atë që tha zoti Bennett”, shtoi më tej Peskov./ CNA.al

Lajmet e fundit nga