web counter
LEXO PA REKLAMA!

SHKARKO APP

App Store
Google Play

Prag fundjave/ Rikthehen vranësirat

2022-11-04 08:03:00, Sociale CNA

Prag fundjave/ Rikthehen vranësirat

Vendi ynë gjatë paradites do të jetë me kthjellime dhe kalime të pakta të vranësirash, të cilat më të dukshme do të jenë në zonat Veriore.

Por  pas mesdite vranësirat do të theksohen gradualisht, ku pasditja do të sjelli dhe reshjet e para në zonat Veriore.

Mbrëmja dhe nata do të gjenerojnë reshje shiu në një pjesë të mirë të territorit.

Temperaturat e ajrit do të vijojnë të ulen në mëngjes dhe në mesditë duke luhatur vlerat ditore nga 6°C deri në 24°C.

Era do të fryjë e mesatare dhe e fortë në det me shpejtësi 60 km/h nga drejtimi Jugor duke krijuar në brigjet detare dallgëzim mbi 5 ballë.

Ndërsa nesër me  5 nëntor 2022, sipas MeteoAlb, territori Shqiptar përgjatë gjithë ditës do të jetë në dominimin e vranësirave të shumta në pothuajse gjithë ditën.

Parashikohet që vranësirat të zhvillohen duke sjellë shira intensivë në të gjithë vendin, ku më të fokusuara do të jenë në zonat Veriore dhe Jugore.

Ndërsa zonat Lindore do të kenë më pak reshje.

Temperaturat e ajrit do të ulen ndjeshëm në mëngjes dhe në mesditë duke luhatur vlerat ditore nga 4°C deri në 22°C.

Era do të fryjë e mesatare dhe e fortë me shpejtësi 65 km/h nga drejtimi Jugor duke krijuar në brigjet detare dallgëzim mbi 5 ballë./CNA.al





Lajmet e fundit nga