web counter
LEXO PA REKLAMA!

SHKARKO APP

App Store
Google Play

FOTO/ Rama dhe Kurti shtrëngojnë duart, mesazhi në sytë e botës

2023-10-16 11:33:00, Politikë CNA
FOTO/ Rama dhe Kurti shtrëngojnë duart, mesazhi në sytë e
Edi Rama dhe Albin Kurti

Kryeministi i Kosovës, Albin Kurti ndodhet sot në Tiranë, ku po merr pjesë në Samitin e Procesit të Berlinit. Teksa po kalonte në tapetin e kuq të vendosur para Kryeministrisë, Kurti u takua me Edi Ramën, ku midis tyre nuk mungoi një shtrëngim duarsh. 

Edhe pse me qëndrime të ndryshme për situatat në veri të Kosovës, këtë herë Rama dhe Kurti shtrënguan duart në sytë e liderëve të huaj. Madje nuk munguan edhe buzëqeshjet. 

Pavarësisht qëndrimeve të kundërta, refuzimeve për takime, Rama dhe Kurti përcollën sot mesazhin se Shqipëria dhe Kosova janë bashkë gjithmonë. 

Samiti i Berlinit në Tiranë:

Mësohet se pas ceremonisë së pritjes, kryeministri Rama, kancelari gjerman Olaf Scholz, Presidentja e KE Ursula von der Leyen dhe Presidenti i Këshillit të Evropës Charles Michel, do të mbajnë një fjalim përshëndetës. 

Sa i përket mungesës së Presidentit të Francës, Emanuel Macron, u zbulua se ky i fundit do të mungojë në punimet e samitit për shkak të një ngjarjeje të rëndë në Francë, që e ka detyruar të shtyjë vizitën e tij në Shqipëri me disa orë.

Macron pritet të mbërrijë në Shqipëri rreth pasdites, ku do të zhvillojë një takim zyrtar me kryeministrin Rama, i cili do t’i akordojë edhe një titull në nderim për aktet e tij për Shqipërinë.

Sakaq, në takimin e sotëm nuk do të jetë i pranishëm Presidenti i Serbisë, Aleksandër Vuçiç, por kryeministrja Ana Brnabiç.

Po kështu,  Kryeministrja e Italisë, Giorgia Meloni nuk do të jetë e pranishme në samit. Ajo  ka dërguar zëvendës kryeministrin Antonia Tajani për të qenë sot në Tiranë për samitin./CNA

FOTO/ Rama dhe Kurti shtrëngojnë duart, mesazhi në sytë e





Lajmet e fundit nga