web counter
LEXO PA REKLAMA!

SHKARKO APP

App Store
Google Play

Inceneratori i Tiranës/ Meta: Prioritet i Veliajt, janë zaptuar 15 hektarë tokë

2023-12-19 11:44:00, Politikë CNA
Inceneratori i Tiranës/ Meta: Prioritet i Veliajt, janë zaptuar 15
Ilir Meta

Kreu i Partisë së Lirisë, Ilir Meta në Asamblenë të Zgjedhurve Vendorë u shpreh se kreu i Bashkisë Tiranë, Erion Veliaj ka si prioritet aferën me inceneratorin e Tiranës, ku po ju vidhen çdo ditë para qytetarëve. 

Meta nënvizoi se inceneratori i Tiranës ka ndërtim pa leje 15 hektarë, por gjithçka vazhdon pas asnjë problem. 

"Ka një dëshirë për të bllokuar llogaridhënien. Buxheti u miratua brenda pak minutash, e njëjta gjë po ndodh edhe në buxhetet vendore të bashkive.  Inceneratori, prioritet i bashkisë Tiranë. Inceneratori i Tiranë ka ndërtim pa leje 15 hektarë, vazhdon pas asnjë problem. Inceneratori është prioritet i Bashkisë së Tiranës dhe po punohet kundër interesave të qytetarëve. Duhet të bëjmë sa më evidente kërkesat tona, duhet të tregojmë angazhimin tonë. Beteja jonë është në këshilla, në opinione. Rilindja kërkon të fryjë vetë, administratat, institucionet e gjobëvënies ndaj qytetarëve, të heqë fondet nga arsimi", u shpreh Meta.

Kreu i Partisë së Lirisë, u la si detyrë anëtarëve të partisë që ai drejton që të zhvillojnë takime të drejtëpërdrejta me grupet e interesit në terren për të dëgjuar problemet e tyre. 

"Duhet të rritet llogaridhënia në institucionet e vendit", përfundoi Meta./CNA





Lajmet e fundit nga