web counter
LEXO PA REKLAMA!

SHKARKO APP

App Store
Google Play

Sulmi ndaj Kosovës dhe Izraelit/ Basha i vulës flet në KiE

2023-10-12 16:16:00, Politikë CNA
Sulmi ndaj Kosovës dhe Izraelit/ Basha i vulës flet në KiE
Lulzim Basha

Kreu i PD-së së vulës, Lulzim Basha ka marrë pjesë në Asamblenë Parlamentare të KiE, ku dhe ka folur për sulmin ndaj Kosovës në 24 shtator si dhe sulmin ndaj Izraelit.

Ai është shprehur se Shqipëria e dënon ashpër sulmin dhe mbështet Izraelin në këtë situatë të vështirë.

"Sulmi terrorist i 24 shtatorit në Kosovë ju ka rënë edhe një herë kambanave të alarmit, për arkitekturën e sigurisë në Evropë. Terroristët janë trajnuar në baza ushtarake në Serbi, armët janë kontrabanduar në Kosovë prej muajsh, me qëllim të provokojnë një skenar të ngjashëm me atë të Krimesë në 2014", tha Basha.

Nga ana tjetër ka komentuar edhe sulmin e 24 shtatorit duke thënë se nuk mund të ndodhte pa implikimin e autoriteteve shtetërore në Serbi.

"Serbia ka nisur të realizojë idenë e  Botës serbe. 24 shtatori, është përpjekje për të detyruar ndryshimin e kufijve përmes ndarjeve de facto dhe rrëmbimit të territorit. Serbët,  u përdoren si gurë shahu në një lojë të ideuar dhe orkestruar nga Moska", tha ai./ CNA





Lajmet e fundit nga