web counter
LEXO PA REKLAMA!

SHKARKO APP

App Store
Google Play

Basha

2024-01-06 20:02:00, Politikë CNA
Basha
Lulzim Basha

Lulzim Basha, kreu i PD-së së vulës i ka lëshuar zëdhënësen e tij Mirela Karabinën vajzës së ish-kryeministrit Sali Berisha, Argita Malltezit.

Në një reagim zëdhënësja e Luli Bashës thotë se Argita Malltezi duhet tu kërkojë falje demokratëve pasi i ka përdorur dhe po kërkon t’i përdorë për qëllimet e saj personale.

“Nuk ka gjë më dëshpëruese për një njeri se sa të detyrohet të dalë poshtë pallatit për të mbrojtur babain dhe burrin në arrest shtëpie, nën hetim për korrupsion.

Në përpjekjen dëshpëruese për t'i përdorur edhe ata demokratë që ende vazhdojnë t’i shkojnë nga pas, vajza e non gratës dhe vetë non grata, sulmon PD dhe kryetarin e saj me të njëjtën gjuhë të babait të saj.

Një nga arsyet që PD është në këtë situatë, është pikërisht fakti që Sali Berisha kërkonte me çdo kusht të mbronte Argiten nga drejtësia, por edhe kësaj nuk ia doli.

Prandaj Argita, të vetmen gjë që mund të bëjë është t'i kërkojë falje demokratëve, të cilët ajo i ka përdorur dhe kërkon t'i përdorë për qellime personale dhe të shkojë të sqarojë para drejtësisë akuzat për korrupsion të ngritura nga SPAK dhe ato në shpalljen si person i padëshiruar nga Britania e Madhe, ku edhe ajo duket se ka një rol të rëndësishëm”, thuhet në reagimin e zëdhënëses së Luli Bashës./ CNA





Lajmet e fundit nga