web counter
LEXO PA REKLAMA!

SHKARKO APP

App Store
Google Play

E fundit!

x

A do e arrestojë Veliajn?/ Përgjigjet Balla,

2023-12-20 13:33:00, Politikë CNA
A do e arrestojë Veliajn?/ Përgjigjet Balla,
Taulant Balla

Ministri i Brendshëm, Taulant Balla pas mbledhjes së sotme të qeverisë, u pyet nga gazetarët se do të arrestohet kreu i Bashkisë së Tiranës Erion Veliajt për aferën me inceneratorin e Tiranës. 

Ministri tha se nuk komenton vendimarrjet e SPAK, por theksoi se nevoja për trajtimin e mbetjeve është tjetër gjë, nga gabimet që janë me procedurat për inceneratorët. 

Sipas Ballës, Reforma në Drejtësi e ka ndarë se kush e bën drejtësinë apo hetimet. 

Ai nuk la pa përmendur as opozitën, ku theksoi se me çështjen e inceneratorëve, kërkojnë të heqin vëmendjen nga hallet e tyre. 

"E para mendoj që secili prej nesh që jeton në Tiranë, e dimë fare mirë që mbetjet tërhiqen çdo ditë nga kompanitë që kanë për detyrë pastrimin. Mbetjet urbane duhet të trajtohen domosdoshmërisht. Halli që i ka zënë ata që ju përmendët dhe përpjekja për të hequr vëmendjen nga halli i tyre dhe për t’u marrë me hallet e të tjerëve, unë nuk do jap përgjigje se nuk më takon. Unë do të sqaroj opinion publik se janë dy gjëra që janë të qarta për të gjithë. Nevoja për të trajtuar mbetjet është një dhe kush ka gabuar, kush ka bërë gabime me procedurat është një tjetër. Nevojën për trajtimin e mbetjeve, incenerimin e tyre besoj që jemi sqaruar të gjithë. Impianti i trajtimit të mbetejeve në Elbasan, qoftë ai në Fier që fuksionon pjesa që deri më sot ka të bëjë me landfillin dhe besoj që të përmbyllet investimi gjatë 6 mujorit të parë të 2024, që incereimi të vijojë. Pjesa tjetër e impantit të trajtimit të mbetejve për kryeqytetin që përfshin Durrës, Kamzën, Kavajën. Nuk marr përsipër që  bëj komente për vendimmarrjen e SPAK-ut apo Gjykatës së Posaçme. Reforma në Drejtësi e ka ndarë kush e bën drejtësinë, hetimin. Unë jam një anëtar i këshillit të ministrave dhe nuk komentoj këtovendimarrje. Kush ka nevojë për të hedhur vëmendjen diku tjetër, dihet se çfarë hallesh dhe problematikash ka", u shpreh Balla./CNA





Lajmet e fundit nga