6 qytete në mbarë botën, ku mund të jetoni me 1000 dollarë në muaj ose më pak

2022-08-10 16:55:00, Kuriozitete CNA

6 qytete në mbarë botën, ku mund të jetoni me 1000

Foto ilustruese

Rritja e inflacionit po detyron shumë njerëz të kërkojnë mënyra apo vende ku ka një kosto më të ulët të jetesës, për të ulur shpenzimet e tyre.

Disa madje mund të mendojnë të lëvizin në vende ku jetetsa është më e lirë.

Insider ka përpiluar një listë me gjashtë qytete ku mund të jetoni për 1000 dollarë ose më pak në muaj.

Buenos Aires, Argjentinë

Buenos Aires, kryeqyteti i Argjentinës, ofron ushqim të jashtëzakonshëm, jetë nate dhe evente të panumërta kulturore.

Dhe është gjithashtu një nga vendet më të lira, me një apartament në qendër të qytetit dhe shpenzimet e jetesës që shkojnë në rreth 730 dollarë në muaj.

Santiago, Kili

Santiago ofron panorama të jashtëzakonshme të Andeve, një kulturë kozmopolite dhe një kosto relativisht të lirë jetese, kështu që nuk është çudi që rreth 35% e popullsisë së vendit jetojnë në kryeqytet. Është gjithashtu e mbushur me muzeume dhe ka dy nga tre universitetet më të mira të Amerikës Latine .

Në Santiago, 1000 dollarë mjaftojnë për të siguruar një apartament pranë qendrës dhe për të mbuluar shpenzimet tuaja të jetesës.

Sofje, Bullgari

Bullgaria është e njohur si një destinacion feste, por vendi ka shumë më tepër për të ofruar, me katedrale dhe kisha të bukura; mjedise dramatike, malore; dhe një histori të gjerë.

Cilësia e jetës në kryeqytetin e Bullgarisë është e krahasueshme me atë në Paris, por kostoja e jetesës është shumë më e lirë në Sofje, me 1000 dollarë në muaj që mjaftojnë për shpenzimet tuaja të akomodimit dhe të jetesës.

Bursa, Turqi

Bursa është qyteti i katërt më i madh i Turqisë, dhe shpesh quhet "Bursa e gjelbër", në lidhje me parqet dhe kopshtet e saj të shumta.

Burimet e shumta të squfurit që rrethojnë qytetin, si dhe malet e famshme Uluda?, e bëjnë qytetin një vend të mrekullueshëm për adhuruesit e natyrës.

Një apartament pranë qendrës së qytetit dhe shpenzimet tuaja të jetesës do t'ju kushtonin rreth 650 dollarë në muaj.

Monterrey, Meksikë

Ky qytet i bukur me pak më shumë se 1 milion banorë mund Parisin dhe Milanon në indeksin e cilësisë së jetës së Numbeo. Ai ka fituar një reputacion si qyteti më progresiv në veri të Meksikës, dhe është gjithashtu një qendër e rëndësishme industriale.

Një apartament me një dhomë gjumi jashtë qendrës së qytetit dhe shpenzimet e jetesës do t'ju kushtonin rreth 900 dollarë në muaj. Nëse dëshironi një apartament në qendër, do t'ju kushtonte pak më pak se 1100 dollarë në muaj, duke përfshirë kostot e jetesës.

Cape Town, Afrika e Jugut

Me ujërat e tij blu, motin e mrekullueshëm dhe malin ikonik Table që shfaqet mbi qytet, Cape Town është një vend vërtet spektakolar.Këtu, ju mund të merrni një apartament me një dhomë gjumi jashtë qendrës dhe shpenzimet tuaja të jetesës për 1,000 dollarë në muaj, tha Numbeo. Për ata që duan të jenë në qendër të qytetit, do t'ju duhen rreth 1250 dollarë në muaj për qiranë dhe kostot e jetesës./ CNA.al