web counter
LEXO PA REKLAMA!

SHKARKO APP

App Store
Google Play

E fundit!

x

Rregulla të reja/ Ja si jepet licenca për bastet sportive on-line

2026-03-26 21:02:00, Aktualitet CNA

Rregulla të reja/ Ja si jepet licenca për bastet sportive on-line

Qeveria ka njoftuar sot rregullat e reja që përcaktojnë kriteret e vlerësimit, afatet, procedurën e konkurrimit dhe metodologjinë e pikëzimit për dhënien e licencës për kategorinë e basteve sportive on-line.

Bazuar në vendim, dokumentacioni i paraqitur nga aplikantët vlerësohet me pikë, sipas kritereve të mëposhtme dhe peshës maksimale për secilin kriter:

-Oferta ekonomike, vlera e ofruar nga aplikanti mbi tarif?n e licencimit për bastet sportive on-line, 30 pikë;

-Përvoja në fushën e lojrave të fatit, 30 pikë;

-Plani i biznesit për aktivitetin e basteve on-line, 5 pikë;

-Kapacitetet organizative dhe administrative, 20 pikë;

-Kapacitetet për zgjidhjen softëare-ike të përdorur, modelet e licencave, standardet apo certifikimet e njohura ndërkombëtare, 15 pikë.

Pikët për të gjitha kriteret mblidhen për të llogaritur pikët totale të secilit propozim. Pikët maksimale që mund të marrë një propozim janë 100.

Pas llogaritjes së pikëve për secilin propozim, subjekti ose subjektet aplikues/aplikuese renditen në rendin zbritës sipas pikëve që kanë marrë propozimet e tyre. Propozimi më i mirë i vlerësuar është propozimi që ka marrë më shumë pikë në vlerësim.

Në rast se dy ose më shumë propozime rezultojnë me pikë të njëjta, renditja e tyre përcaktohet me short. Njoftimi p?r dat?n dhe or?n e hedhjes s? shortit u njoftohet aplikanëve nga Komisioni i Licencave. Mospjesëmarrja e aplikantëve gjatë procesit të hedhjes së shortit nuk përbën shkak për skualifikim.

Licenca i jepet subjektit ose subjekteve apikues/aplikuese që plotëson/plotësojnë kriteret e parashikuara në ligj dhe janë renditur në listën fituese sipas rendit zbritës të pikëve të marra.

Më pas, Komisioni i Licencave merr vendim për hapjen e një procedure konkurruese dhe numrin e licencave që do të jepen në thirrje.

Brenda 7 ditëve nga marrja e vendimit për hapjen e një procedure konkurruese nga Komisioni i Licencave, Autoriteti i Mbikëqyrjes së Lojërave të Fatit publikon njoftimin për konkurrim për dhënien e licencës për ofrimin e “Basteve sportive on-line” në faqen e saj zyrtare të internetit, në 2 gazeta ndërkombëtare, si dhe në Buletinin e Njoftimeve Publike.

Institucionet/organet që ngarkohen për zbatimin e procesit janë Ministria e Financave, Autoriteti i Mbikëqyrjes së Lojërave të Fatit dhe Komisioni i Licencimit. /CNA

 





Lajmet e fundit nga