web counter
LEXO PA REKLAMA!

SHKARKO APP

App Store
Google Play

E fundit!

x

Në përpjekje për t’i shpëtuar burgut/ Salianji bën zhurmuesin

2023-01-31 11:15:00, Aktualitet CNA
Në përpjekje për t’i shpëtuar burgut/ Salianji
Foto ilustruese

Në përpjekje për t’i shpëtuar burgut për çështjen "Babale", deputeti Ervin Salianji bën zhurmuesin në Komisionin e Sigurisë.

Salianji ka kërkuar që të diskutohet për çështjen e McGonigal dhe kamerat e krimit që po hiqen nga disa qytete të Shqipërisë, një aksion që ka nisur prej ditësh nga policia.

 “Komisioni i Sigurisë sa herë që ka ngjarje që kanë të bëjnë me sigurinë merret me ngjarje sporti.Në Shqipëri ka shpërthyer një skandal i madh me ish-drejtorin e kundërzbulimit në SHBA dhe një rast tjetër ku policia njofton se do vijmë t’ju heqim kamerat, kamera në gjithë Shqipërinë që nuk dihet se prej sa  vitesh.Në këto kushte duhet të kishim thirrur institucionet.Nëse nuk vjen ministri të japë llogari në parlament, të paktën thërrisni ndonjë punonjës të japë llogari para qytetareve dhe para nesh.

Të kërkojmë informacionin e nevojshëm nga institucionet e sigurisë për një person që është bërë kryelajm në mediat botërore, McGonigal që në takim me kryeministrin dhe dy këshilltare privat bënë lëmsh gjithë dynjanë, korruptohet, jepen miliona euro vetëm për interesa politike të kryeministrit dhe kësaj qeverie. Ky komision nuk është komision që mat meritat sportive”, tha Salianji.

Kujtojmë se ditën e djeshme u shty për të tetën herë radhazi seanca gjyqësore ndaj Ervin Salianjit, për çështjen “Babale”.

Salianji është shpallur fajtor për veprën penale 'kallëzim i rremë' në lidhje me çështjen "Babale" dhe është deklaruar i dënuar me një vit burg nga gjykata e Shkallës së Parë./CNA.al





Lajmet e fundit nga