Ndryshojnë sërish çmimet/ Ja sa do të tregtohen nafta dhe benzina

2026-04-15 12:00:00, Aktualitet CNA

Ndryshojnë sërish çmimet/ Ja sa do të tregtohen nafta dhe

Bordi i Transparencës ka publikuar çmimet e reja të tregtimit të naftës dhe benzinës. Sipas vendimit të marrë në mbledhjen e sotme, çmimi i shitjes me pakicë të naftës do të jetë 207 lekë/ litri, ndërsa i shitjes me shumicë 195 lekë/litri.

Ndërkohë çmimi i shitjes me pakicë të benzinës do të jetë 174 lekë/litri, ndërsa i shitjes me shumicë 162 lekë/litri. Çmimet e caktuara nga Bordi do të hyjnë në fuqi sot në orën 13:30 dhe do të jenë të vlefshme deri në mbledhjen e ardhshme të bordit.

Njoftimi i plotë:

Bordi i Transparencës në datë 15 Prill 2026, në mbledhjen e radhës vendosi:

Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 207lekë/litri, ndërsa i shitjes me shumicë jo më shumë se 195 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 174 lekë/litri,ndërsa i shitjes me shumicë jo më shumë se 162 lekë/litër.

Çmimet e caktuara nga Bordi do të hynë në fuqi sot datë 15 ora 13.30 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.

Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

Ministria e Ekonomisë dhe Inovacionit sëbashku me Ministrinë e Financave dhe Ministirinë e Infrastrukturës dhe Energjisë janë angazhuar të mbrojnë interesat e konsumatorëve shqiptarë dhe ruajtjes së parimeve të konkurencës së ndershme në treg.

SQARIM: Referuar Aktit Normativ nr. 1, Datë 3.4.2026 “Për një shtesë në ligjin nr. 61/2012, “Për akcizat në Republikën e Shqipërisë,” të ndryshuar, ku është parashikuar, se në rast se çmimi i shitjes me pakicë, për gazoili është më i lartë se 220 lek/litri, apo për benzinën është më i lartë se 200 lek/litri, zbatohet niveli 80% i akcizës. Bazuar në zbatimin e metodologjisë per llogaritjen e cmimeve tavan te shitjes me pakice, çmimet janë nën kufirin e Aktit Normativ nr. 1, datë 3.4.2026, dhe për rrjedhojë niveli i akcizës do të zbatohet i plotë, 100%. /CNA