McGonigal nga Duçka, te Neza dhe korrupsioni me qeverinë shqiptare

2024-01-10 14:46:00, Aktualitet CNA

McGonigal nga Duçka, te Neza dhe korrupsioni me qeverinë shqiptare

Fotomontazh - Kryeministri Edi Rama, Charles McGonigal, Dorian Duçka dhe Agron Neza

Dosja “McGonigal” duket se ka avancuar së tepërmi dhe sipas asaj që është kërkuar nga prokurorët e Shteteve të Bashkuara e Amerikës, në distriktin e Columbias, ku zhvillohet procesi, janë kërkuar 30 muaj burg dhe një gjobë prej 95 mijë dollarësh për ish-zyrtarin e lartë të FBI-së. Dënim i shtuar nga fillimi i hetimeve.

Charles McGonigal është përfshirë në një aferë korruptive me qeverinë Shqiptare dhe sipas akuzës së prokurorëve, zyrtari i saj që punonte në FBI ka marrë disa qindra mijëra dollarë nga një biznesmen i lidhur me qeverinë shqiptare.

McGonigal pranoi 225 mijë dollarët nga Shqipëria/ “Kërcasin” prangat për Ramën, Duçkën dhe Nezën
23 Shtator, 11:11

Ky është një nga faktet që thuhet në dokumentin prej 17 faqesh, të cilin e lexoni më poshtë në gjuhën angleze në CNA.

Dokumenti 17-faqësh mban datën 5 janar, pra të vetëm 5 ditëve më parë.

Në dokument flitet për një biznesmen, i cili quhet personi A dhe ka punuar për Agjencinë e Inteligjencës së Shqipërisë në vitit ’80. Pra, me sa bëhet fjalë këtu duket se është shtetasi Agron Neza.

McGonigal nga Duçka, te Neza dhe korrupsioni me qeverinë shqiptare

Më pas thuhet se ky person është bërë shtetas amerikan dhe është larguar në SHBA. Midis rreshtash flitet se çfarë ka ndodhur, se si është kërkuar ndërhyrja nga qeveria.

Gjithashtu, evidentohet se personi A, sipas të dhënave të prokurorisë, ka pasur kontakte dhe informacione në lidhje me ish-ministrin e Energjisë, por po të shikosh atë që quhet “sentence guideline” në dokument dhe akuzën e prokurorit, shkruhet ndoshta për ish-zv.ministrin e Energjetikës, në atë kohë Dorian Duçka, që ka qenë edhe Personi B dhe kontakti kryesor. Kjo sipas këtyre dy dokumenteve të akuzës në kohën kur zhvilloheshin hetimet. Megjithëse sipas dokumentit drejtimi çon tek Damian Gjiknuri.

McGonigal nga Duçka, te Neza dhe korrupsioni me qeverinë shqiptare

Dorian Duçka ka deponuar edhe në SPAK së fundmi në lidhje me çështjen McGonigal.

Dorian Duçka, në SPAK
26 Tetor, 14:53

Nga ana tjetër, në dokumentin 17-faqësh jepen të dhëna të plota se si ka lëvizur në Bosnje dhe Kosovë McGonigal, takimet e tij, datat që fillojnë nga vitit 2017 dhe në vazhdim.

Nëpër rreshta ka disa të dhëna mjaft domethënëse, të cilat kanë një lexim mjaft të thjeshtë dhe nga gjithë kjo pretencë e bërë nga prokurorët e SHBA, të cilët do ta kenë në krah agjentin McGonigal gjatë zhvillimit të gjyqit së afërmi dalin dy konkluzione.

Charles McGonigal, ish-zyrtari i FBI-së

Së pari, në dokument provohet korrupsioni në emër të qeverisë shqiptare, pra shuma e parave që i ka dhënë Agron Neza, McGonigal-it, e cila është evidentuar që në fillim të akuzës dhe është cilësuar nga prokurorët si një korrupsion nga një biznesmen i lidhur me qeverinë shqiptare.

Qartazi kemi të bëjmë me korrupsionin e një zyrtari të FBI-së me qeverinë shqiptare.

Kujtojmë këtu se kryeministri i Shqipërisë, zoti Edi Rama, në një qëndrim zyrtar tha se kishte takuar një zyrtar të FBI-së, e kishte pritur, e kishte mik, e kishte pritur në SHBA se ku do ta priste tjetër.

“Ta mendosh Qeverinë si byrektore”/ Rama: Po, kam ngrënë darkë me McGonigal
2 Mars, 11:27
Lobimi rus / Rama: Nuk i kam dhënë asnjë dokument McGonigal
2 Shkurt, 22:47

Në fakt, rezulton se takimet janë zhvilluar për korrupsion dhe kjo jo sepse e shpikin mediat, jo se e thotë opozita, por sepse kemi një akuzë të ngritur nga prokurorët e SHBA në gjykatën e Columbias kundër ish-drejtuesit të lartë të FBI-së, McGonigal.

Së dyti, qartazi në akuzë lexohet se McGonigal ka avancuar interesat e atyre që e kanë paguar, pra të qeverisë shqiptare, përkundër atyre të SHBA-së. Përfituesit, zbatuesit dhe bashkëpunëtorët janë në akuzën e plotë të prokurorëve.

Më lart thuhej se kishte një korrupsion me qeverinë shqiptare dhe pagesa qindra mijëra dollarë të marra nga shtetasi Agron Neza, të cilit nuk i jepet emri, por i jepet momenti kur ka punuar për Agjencinë e Inteligjencës Shqiptare, quhet Personi A, etj.

“WP” zbardh skemën e bashkëpunimit McGonigal-Agron Neza, në koordinim që nga 2017
22 Shtator, 14:54

Pra, teza e artikuluar nga kryeministri se McGonigal është takuar me të për t’i kërkuar ndihmë si partner etj. qartazi duket se bie, pasi nënvizohet se ka avancuar përtej interesave të SHBA-së.

Është SHBA që e paguan McGonigal, është zyrtar amerikan, por ai ka avancuar interesat e atyre që e kanë paguar, ka punuar për interesat e korrupsionit, parave që ka marrë, të dhëna nga Agron Neza.

Në pretencë thuhet se vetë agjentët e FBI-së kanë pranuar që nuk kanë pse të merren me dosjen siç është rasti i Nick Muzin dhe në momentin që McGonigal ka dalë në pension, kjo çështje është mbyllur.

Skandali McGonigal, SHBA dhe Lulzim Basha
18 Shkurt, 13:20

Edhe avancimi i FBI-së në lidhje me hetimin ndaj Bashës, siç pretendohet nga Basha se është bërë, tashmë duket se është krejt ndryshe sepse nuk ka pasur një avancim të hetimit të FBI-së.

Në dallim nga pjesa tjetër e pretencës për rastin e Bosnjës, te pjesa që ka lidhje me Shqipërinë është provuar korrupsioni dhe këtë e thotë dokumenti 17-faqësh dhe paratë janë provuar se kanë kaluar apo historitë që u treguan shpesh në media dhe u raportuan çantat me para në dorë.

Në histori përfshihet edhe Personi B. Personi B është ish-zv.ministri i Energjetikës, Dorian Duçka, njeriu i cili e ka sjellë në Shqipëri dhe ka shëtitur me McGonigal.

Ish-zv.ministri i Energjetikës, Dorian Duçka

Duçka është thirrur në SPAK pak kohë më parë, ndërkohë që shumë shpejt pritet që materiale më të plota të jenë në dosjen e SPAK-ut.

Dokumenti më poshtë prej 17 faqesh tregon të vërtetën e gjithçkaje çfarë ka ndodhur, por siç theksuam më lart ka dy pika mjaft të rëndësishme, faktin se është provuar korrupsioni për llogari të qeverisë shqiptare dhe tejkalimi i McGonigal, nga mbrojtës i interesave të SHBA-së ai ka kaluar duke punuar për llogari të interesave shqiptare./ CNA