web counter
LEXO PA REKLAMA!

SHKARKO APP

App Store
Google Play

Skandali “McGonigal”/ Duçka dhe Neza në Tiranë, çfarë po kurdisin

24 Shkurt 2023, 14:49, Politikë CNA
Skandali “McGonigal”/ Duçka dhe Neza në Tiranë,
Foto ilustruese

Dorian Duçka dhe Agron Neza, dy personat më të lakuar të momentit, për shkak të çështjes “McGonigal”, ndodhen në Tiranë.

Ditët e fundit janë parë në kryeqytet në takime të ndryshme.

Deri më tani asnjëri prej tyre nuk ka folur për skandalin në fjalë, për hetimet në SHBA, ku dalin edhe emrat e tyre.

Ata janë mjaftuar duke e mohuar pa dhënë argumente.

Ndërkohë që opozita i akuzon për gjoba dhe afera, duke përfshirë këtu edhe kryeministrin Edi Rama.

Duçka –Neza dhe lidhje me McGonigal

Charles McGonigal ka punuar për sektorin e kundërzbulimit të FBI-së, derisa u largua nga FBI-ja në shtator të vitit 2018 dhe ndër të tjera mbulonte edhe Shqipërinë dhe Bosnje Hercegovinën.

Ai akuzohet se ka marrë 225 mijë dollarë nga një ish-punonjës i shërbimeve sekrete të Shqipërisë dhe ka zhvilluar një sërë takimesh me biznesmenë dhe politikanë në Shqipëri, Kosovë dhe Bosnje, por pa i raportuar ato sipas rregullave.

Sipas aktpadisë së publikuar nga mediat e huaja, lidhjet e tij kryesore me Shqipërinë janë mbajtur përmes ish-zyrtarit shqiptar të shërbimeve sekrete, që në aktakuzë identifikohet si Personi A, duke iu referuar Agron Nezës. Ky person ka paguar edhe për shpenzimet e tij të udhëtimit në Shqipëri.

Aktpadia e bërë publike nga gjykata në Uashington nuk e identifikon më tej Personin A. Por, në bazë të një njoftimi tjetër të shtypit amerikan, në shtator të vitit të kaluar, ku njoftohej se ish-zyrtari i FBI-së McGonigal ishte nën hetime, portali “Business Insider” boton kopjen e një dokumenti të jurisë së madhe, ku në listën e atyre, që do të thirreshin për të dëshmuar, figuron shtetasi Agron Neza, shqiptaro-amerikan, që dekada të shkuara ka punuar për shërbimet inteligjente të Shqipërisë.

Personi i dytë nga Shqipëria, i lidhur me ish-zyrtarin e FBI-së, identifikohet në aktpadi si Personi B, (Dorian Duçka),  i cili “ishte një shtetas shqiptar, i punësuar nga një konglomerat kinez energjie. Personi B shërbente si një këshilltar jozyrtar i Kryeministrit të Shqipërisë, i cili kishte një llogari emaili dhe pasaportë zyrtare të qeverisë shqiptare dhe ka qenë ish-zyrtar i lartë i qeverisë shqiptare./CNA.al





Lajmet e fundit nga