E fundit!

21:44 Kronika

Të shtënat në Elbasan/ Policia jep detaje për ngjarjen

Mësohen detaje të reja lidhur me ngjarjen e ndodhur mbrëmj...

Gjobëvënia ndaj biznesmenëve/ Berisha akuza Yuri Kim, Ramës dhe Lulzim Bashës

24 Shkurt 2023, 12:45, Politikë CNA

Gjobëvënia ndaj biznesmenëve/ Berisha akuza Yuri Kim, Ramës

Kryedemokrati Sali Berisha theksoi se gjobëvënia ndaj biznesmenëve shqiptarë nuk është vetëm veprimtari e ish-zyrtarit të lartë të FBI-së, Charles McGonigal.

Në takimin e tij të përjavshëm me gazetarët, Berisha theksoi se ambasadorja Yuri Kim i thërriste biznesmenët dhe i kërcënonte në ambasadë me blacklistim nëse ata mbështesin Sali Berishën.

Për këtë aferë ai ka akuzuar edhe kryeministrin Edi Rama.

“E vërteta është se historia e gjobave nuk është vetëm veprim i McGonigal dhe famëzinjve të tij, Duçka dhe Neza. Historia e gjobave është më e gjerë.

Siç denoncoi haptaz dhe me guxim ish-deputeti Myslim Murrizi, pas vitit 2019 flitej për lista me të blacklistuar dhe përgojoheshin emra.

Gabriel Escobar, Yuri Kim, Lulzim Basha, Edi Rama. Kjo është e vërteta e pamohueshme. Ky realitet jo vetëm që nuk u përgënjeshtrua nga Yuri Kim, por ajo thërriste biznesmenë dhe i kërcënonte në ambasadë me blacklistim nëse mbështesin Sali Berishën.

Një lukuni e tërë u lëshua mbi biznesmenët shqiptarë për t’i gjobitur ata në mënyrën më antinjerëzore. Vizat i përdori në këtë funksion Yuri Kim.

Edhe njëherë i bëj thirrje Inspektorit të Përgjithshëm të DASH, të hetojë veprimtarinë e saj dhe të personave që janë marrë me vizat.

I bëj thirrje FBI-së të hetojë në çdo detaj dosjen shqiptare.

I bëj thirrje Kongresit të SHBA-së, të hetojë në mënyrë të veçantë dosjen shqiptare të kësaj afere, implikimet e padiskutueshme, terrenin në funksion të kësaj gjobëvënieje të shpifur, të turpshme.

Sepse në këtë mënyrë do të mund të merren të gjitha masat, do mund të ndëshkohen të gjithë përgjegjësit.

Nëse Agron Neza dhe Dorian Duçka gjobitën një seri biznesmenësh, atë e bënë në emër të FBI-së.

Ne do të kontribuojmë, do të përpiqemi. Komisioni hetimor do të krijohet do apo nuk do Edi Rama”, u shpreh ai./ CNA.al