web counter
LEXO PA REKLAMA!

SHKARKO APP

App Store
Google Play

E fundit!

x

“Përgjegjësia është personale”/ Përgjigjet Ahmetaj: Nuk do doja të isha në vendin e Ramës

23 Shkurt 2023, 22:27, Politikë CNA
“Përgjegjësia është personale”/ Përgjigjet
Arben Ahmetaj dhe Edi Rama

Ish-zv.kryeministri, Arben Ahmetaj ka komentuar deklaratat e kryeministrit Edi Rama, i cili tha se nuk mund ta ndihmojë dot nëse është i përfshirë në çështjen e inceneratorëve dhe se përgjegjësia është personale.

Ahmetaj tha se, nuk do të donte të ishte në pozicionin e Ramës dhe të bënte rolin e gjykatësit.

“Unë Edi Ramës nuk i kam kërkuar ndonjëherë ndihmë. Po them vetëm kaq. Nuk do desha të isha në vendin e Kryeministrit që të pretendoja të bëja gjykatësin. Ai për mua, sugjerim, të bëjë atë që bën më mirë, Kryeministrin. Gjykatësi është çik i sikletshëm, duhet të njohësh procedurat me detaje”, u shpreh ai.

Më tej, ish-ministri tha se ndihet keq kur sheh që ish-kolegë të tij ndodhen në burg, por theksoi se nuk ka nevojë për ndihmën e kreut të qeverisë në lidhje me këtë çështje, për të cilën është akuzuar nga politika.

“Kam një rekord, kur ka qenë dhe Bashkim Fino prezent, dhe mua më kujtohen këta ish-kolegë me shumë dhimbje dhe shumë shpesh unë me Saimir Tahirin s’kam shkuar fare. Por dhimbja që të shoh një ish-koleg në atë situatë është shumë e madhe. Burrat kur lindin dhe bëhen burra, i marrim parasysh të gjitha. Ajo që tha kryeministri, bëri rolin e gjykatësit, nuk kam nevojë për ndihmë. Ai e ka zakon të drejtë që thotë se përgjegjësia është personale”, theksoi Ahmetaj./ B.A. – CNA.al





Lajmet e fundit nga