Festa e Birrës, rreth 64 mijë hyrje në Kapshticë dhe Qafë-Thanë

2023-08-15 11:36:00, Aktualitet CNA

Festa e Birrës, rreth 64 mijë hyrje në Kapshticë dhe

Festa e Birrës, e kthyer tashmë në një nga eventet më të mëdha që organizohen gjatë verës në Shqipëri, pret me dhjetëra mijëra turistë dhe banorë të Korçës që të mblidhen dhe kalojnë së bashku momente magjike në 5 netët e aktivitetit.

Sipas të dhënave zyrtare të siguruara nga Policia e Shtetit, ka një fluks të madh hyrjesh nga pika e kalimit të Kapshticës dhe Qafë-Thanës.

Nga data 10-14 gusht kanë hyrë rreth 63 mijë shtetas shqiptarë dhe të huaj.

Gjithashtu raportohet se kanë dalë nga këto pika kalimi të kufirit rreth 40 mijë persona.

Dhjetëra mijëra qytetarë të tjerë pritet të vërshojnë në Korçë nga nesër gjatë fundjavës për 5 netët magjike të Festës të Birrës në Korçë.

Për të marrë pjesë në Festën e Birrës në Korçë duhet të dini se:

1. Në festën e Birrës mund të rezervoni tavolinën tuaj për çdo natë.

2. 222 tavolina në zonën me rezervime përballë skenës do të ofrohen me rezervim për këdo që dëshiron komoditet dhe shërbim në tavolinë.

3. Ata të clët nuk duan të rezervojnë në një tavolinë kanë në dispozicion të gjithë hapësirën tjetër të festës falas.

4. Pagesa e bërë për rezervimin e tavolinës konsumohet e gjitha me produkte për këtë zonë.

5. Hyrja për koncertet e datave 16 dhe 17 është falas

6. Hyrja për koncertet e datave 18, 19, 20 është me biletë.

7. Hyrja për fëmijë deri në 14 vjeç është falas.

Në 5 netë magjike do të performojnë emrat më me zë të muzikës.

Në datë, 16 gusht në skenë do të jenë:

-Lorenc Hasrama, Irkenc Hyka, Yll Limani, Stivi Boka

Në datë, 17 gusht do të performojnë në skenë:

-Last Call Band, Grupi NA, Eugent Bushpepa

Në datë, 18 gusht do të performojnë:

Seven Of, No Mercy, La Bouche, AD Disha,

Në datë, 19 gusht do të performojnë:

-Les Aur Revoir, Elvana Gjata, Despina Vandi

Në datë, 20 gusht do të performojnë:

-Endri dhe Stefi Band, Keti Garbi dhe Dimitrios Choinas

Më herët kryebashkiaku i Korçës ka bërë me dije se skenën si çdo vit edhe kësaj here me artistë të njohur, do ta pasurojnë edhe dyshja LA BOUCHE, e cila do të performojë më datën 18 gusht.

La Bouche është një dyshe gjermano-amerikane e njohur më së shumti për hitet "Be My Lover", "Sweet Dreams", "You Won't Forget Me" dhe "S.O.S". Kjo dyshe u bashkua në vitin 1994 nga producenti diskografik Frank Farian në Frankfurt am Main.

Po ashtu, skenës më vitale për 5 ditë me radhë, me artistë të shumënjohur, do t’i bashkohet edhe diva e muzikës shqiptare, Elvana Gjata, duke bërë që kjo festë personifikuese për Korçën dhe Shqipërinë të jetë një ekperiencë unike.

Ndër të tjera, kreu i Bashkisë Korçë, ka bërë me dije se Festën e Birrës do ta bëjë edhe më të larmishme ylli i muzikës greke, Despina Vandi, që do të performojë më 19 gusht.

Kjo artiste e madhe, vlerësimi për të cilën është konkretizuar me dhënien e tre "Arion Music Awards", dhjetë "MAD Video Music Awards", shtatë "Pop Corn Music Awards" dhe një "World Music Award", do të elektrizojë skenën gjatë Festës së Birrës.

Kujtojmë se në vitin 2022 në këtë festë kanë qenë 40 000 pjesëmarrës, ndërkohë që edhe këtë vit pritet një "boom" i madh njerëzish dhe turistësh të huaj që pritet të "zbarkojnë" në Korçë./CNA