web counter
LEXO PA REKLAMA!

SHKARKO APP

App Store
Google Play

Drejtori i Policisë Kufitare takim me homologun grek/ Në fokus të takimit menaxhimi i situates në kufirin mes dy vendeve

2023-08-08 13:09:00, Aktualitet CNA

Drejtori i Policisë Kufitare takim me homologun grek/ Në fokus të

Ditën e sotme është zhvilluar një takim ndërmjet drejtorëve të departamenteve të Policisë Kufitare dhe Migracionit, të Republikës së Shqipërisë dhe Greqisë.

Drejtues i Lartë Saimir Boshnjaku dhe Gjeneral Major Dimitrios Mallios janë takuar sëbashku me dakordësimin e ministrave të brendshëm të dy vendeve dhe pikë boshtore e këtij takimi ishte menaxhimi i fluksit në pikat e kalimit kufitar, si dhe forcimi i bashkëpunimit në luftën kundër krimeve kufitare.

Pas përfudimit të takimit Boshnjaku, ka falenderuar palën greke për gatishmërinë që kanë treguar në bashkëpunimin me palën shqiptare.

“Patëm një takim sot me drejtorin e Policisë Kufitare të palës greke, lidhur me menaxhimin e situatës në pikat e kalimit në kufirin me Greqinë.

Në kuadër të bashkëpunimit dypalësh, themi se situata është normale, pavarësisht  se fluksi i rritjes së qytetarëve po shtohet dita-ditës.

I kemi marrë këto masa dhe besoj se do të jemi shumë eficient te pjesa e menaxhimit të kalimit.

Me palën greke, sidomos me Departamentin e Policisë Kufitare dhe Migracionit, ky bashkëpunim ka qenë i vazhdueshëm, është real dhe do të jetë i prekshëm edhe nga qytetarët.

Kërkojmë mirëkuptimin e të gjithë qytetarëve, në raste kur ka pasur radhë, të cilat për momentin janë të pranueshme dhe në nivele normale, por besojmë që me bashkëpunimin mes dy palëve dhe me masat që do të merren në të dy anët e kufirit, situata do të jetë në kushte normale.

Falënderojmë edhe palën greke për gatishmërinë që kanë treguar në bashkëpunimin me palën shqiptare dhe besojmë që kjo do të jetë një arritje shumë e mirë për këtë sezon turistik.

Faleminderit!”-u shpreh Boshnjaku.CNA





Lajmet e fundit nga