Dekriminalizimi/ Kandidati i PS-së, dërgohet në Prokurori për hetim të thelluar

2023-04-15 16:26:00, Aktualitet CNA

Dekriminalizimi/ Kandidati i PS-së, dërgohet në Prokurori

Kreu i KQZ-së, Ilirjan Celibashi ka derguar kandidatin e PS-së për Bashkinë e Mallakastrës, Qerim Ismailaj në Prokurori për hetime të thelluara.

Celibashi theksoi se ky vendim po merret pasi Ismailaj në formularin e dekriminalizimit ka pohuar se ka qenë nën hetim ose gjykim.

“I vetmi ligj që na tregon nëse një person është i dënuar është kodi penal. Ligji për dekriminalizimin na informon, pra vlerëson atë çfarë ka prodhuar kodi penal, jo në vetvete disponon mbi cilësitë e një personi bazuar në rekordet e tij penale, për të kandiduar ose jo. Në rastin konkret subjekti në fjalë është i paqenë. Subjekti nuk është i dënuar, as me kusht, është zgjedhje e ligjvënësit në këtë rast pse ka krijuar këtë avantazh por është kështu. Konsiderohet i paqenë, nuk ekziston. Dhe kur janë plotësuar kushtet për dënimin alternative sipas dokumentacionit nga prokuroria. Nuk ka ndalim për atë nga pikëpamja e ligjit që të jetë kandidat për kryetar në zgjedhjet e 14 majit. Tej kësaj, meqë në formularin e vetëdeklarimit, ai pyetjet: A ke qenë ndonjëherë në hetim ose gjykim, i është përgjigjur me PO është rasti për ta ridërguar për hetim të thelluar në Prokurori. Nëse bëhet fjalë për të njëjtat raste që janë vlerësuar më parë. Si komisioner s’mund ta marr të mirëqenë, ndaj duhet të presim Prokurorinë.”/CNA.al