Arben Kraja duhet tu mbyshë mendjen shqiptarëve që nuk është spurdhjak

2022-08-24 17:08:00, Aktualitet CNA

Arben Kraja duhet tu mbyshë mendjen shqiptarëve që nuk

Kreu i SPAK, Arben Kraja

Dosja nr 122 e cituar nga Arben Kraja në shkresën dërguar KQZ, ka lidhje me njërin prej kallëzimeve të depozituara në SPAK nga ish deputeti Halit Valteri.

Më poshtë janë elementët e atij kallëzimi të depozituar dhe regjistruar me këto të dhëna:

"Tiranë, më 07.06.2022

KALLËZIM PENAL

KALLËZUES:Halit Xhezar Valteri, lindur më datë 21.05.1991 në Fier dhe banues në Tiranë .

KUNDËR:

1. Z. Ilir Meta -President i Republikës së Shqipërisë,

2. Znj. Monika Kryemadhi – Deputete e Kuvendit të Shqipërisë

3. Z. Vangjel Tavo – Ish Deputet i Kuvendit të Shqipërisë,

4. Z. Iraklis T. Fidetzis – Administrator i kompanisë “Dorelita Limited” me selinë Qipro.

BAZA LIGJORE: Kodi i Procedurës Penale të RSH: Nenet 25, 75/a, 149, 150, 151, 152, 153 deri

165, 228, 229, 244, 277, 279/a, 280, 281, 283, 287, 304, 331, 390.

Kodi Penal i RSH: Nenet 25, 164/a, 164/b, 180, 181, 248,257/a, 259, 287.

DREJTUAR: Strukturës së Posaçme kundër Korrupsionit dhe Krimit të Organizuar."

Këto janë "kredencialet" e kallëzimit penal që i përket dosjes 122 të cituar nga Arben Kraja në shkresë.

Kreu i PL-së, Ilir Meta

Nga të dhënat rezulton që jo vetëm Ilir Meta (Metaj), por edhe Monika Kryemadhi figuron me të njëjtin status si bashkëshorti ish-President.

Kallëzimi ka lidhje me pagesat e lobimit të bëra nëpërmjet ish-deputetit Vangjel Tavo, duke përdorur një kompani offshore në Qipro.

Nëse Arben Kraja lidh kërkesën për formularin e dekriminlizimit të plotësuar nga Ilir Metaj për KQZ, me këtë kallëzim atëherë çështja bëhet intetesante.

Për çfarë i duhet Arben Krajës formulari i dekriminalizimit të shtetasit Ilir Metaj?

Pse nuk ka kërkuar nga KQZ edhe formularin e dekriminalizimit të plotësuar nga Monika Kryemadhi, meqë edhe ajo përmendet në të dhënat e regjistrimit të kallëzimit të Halit Valterit?

Pse Arben Kraja zgjedh të verifikojë Ilir Metajn dhe jo Monika Kryemadhin dhe pse zgjedh që të pyesë KQZ-në për 1 formular që nuk ka lidhje me akuzat e Halit Valterit?

Ish-kryetarja e LSI-së, Monika Kryemadhi

Pse Kraja nuk kërkoi nga KQZ dokumentacionin e depozituar në KQZ nga LSI e që lidhet drejtpërdrejt me akuzat e Valterit, apo do e bëjë këtë pasi të analizojë muaj të tërë nëse është e sigurtë që Ilir Meta është i njëjtë me Ilir Metajn dhe nuk janë 2 persona të ndryshëm?

SPAK e ka kapur demin nga brirët dhe po e nis me verifikimin e identitetit të të kallëzuarit Ilir Meta. Për këtë verifikim do i duhen muaj të tërë studimi dhe shqyrtimi të dokumentacionit. Ashtu siç di të verifikojë SPAK mirë e mirë.

Ndërkohë Ilir Meta = Ilir Metaj doli sot dhe e cilësoi Arben Krajën si "spurdhjak".

Problemi i Arben Krajës nuk është ai cilësim i dalë sot nga goja e Ilir Metës.

Arben Kraja ka sot një çështje të madhe për të ndarë. Nuk ka nevojë të përpiqet t'i mbyshë mendjen Ilir Metës që nuk është spurdhjak.

Duhet tu mbushë mendjen shqiptarëve që ajo që deklaron Meta nuk është e vërtetë. Ky është problemi i madh i Arben Krajës./ CNA.al