Pse SPAK kërkoi formularin e dekriminalizimit të Ilir Metaj?

24 Gusht 2022, 14:49, Aktualitet CNA

Pse SPAK kërkoi formularin e dekriminalizimit të Ilir Metaj?

Foto ilustruese

Sot publiku është në dijeni të tre akuzave, njëra publike dhe dy të tjerat penale ndaj shtetasit Ilir Meta ose Metaj.

Një akuzë ka lidhje me bashkëpunimin e tij në rink me ish-sigurimin e Shtetit.

E dyta ka lidhje me kallëzimin penal të depozituar nga një ish-deputet për pagesa lobimi për llogari të LSI-së, të padeklaruara as në ILDKP nga qytetari Meta-Metaj, as nga FORCA POLITIKE QË BASHKËSHORTËT Meta-Kryemadhi kanë në pronësi.

Akuza e tretë është edhe ajo e bërë publike dhe ka lidhje me pagesa të tipit Alqi Bllako, kësaj radhe nga një koncesionar tjetër dhe për llogari të vëllait të Monika Kryemadhit.

Sot për habinë e gjithë dynjasë, njoftohemi që SPAK i ka kërkuar KQZ, formularin e dekriminalizimit të Ilir Metës!!!!

Asnjë nga akuzat e ditura deri tani nuk ka lidhje me ndonjë fshehje dënimi nga Ilir Meta apo Metaj!

Arben Kraja ka dyshime që Meta ka falsifikuar atë formular?

Ka dyshime që Ilir Meta ka qenë i dënuar dhe ka fshehur dënimin? Për kaq mund të përdoret ai formular që ka kërkuar me kaq bujë Arben Kraja.

Ndërsa kallëzimet e bëra publike lidhen jo me formularin e dekriminalizimit të Metës por me bilancet që familja Metaj ka dorëzuar në vite në KQZ.

Pse Arben Kraja nuk ka kërkuar bilancet e LSI-së?

Pse i duhet Krajës, formulari i vetëdeklarimit të Metës?

Apo i duhej zhurma për hetimet që paska nisur SPAK?

Nëse nuk ka dyshime që Meta ka falsifikuar atë formular, pse bën zhurmë me atë formular Arben Kraja?

Ka dyshime që ka qenë i dëbuar nga ndonjë shtet dhe ka fshehur faktin e dëbimit?

Çështja për të cilën SPAK mund të kërkojë përfshirjen e KQZ-së, është kallëzimi i bërë ndaj familjes Meta-Kryemadhi, për pagesa lobimesh. Janë deklaruar në bilancet e LSI-së ato pagesa? Ato pagesa nuk deklarohen tek formulari i dekriminalizimit as të Ilir Meta, as të Ilir Metaj, as të Monika Kryemadhit.

Ai formular nuk ka lidhje as me pagesat nga koncesionari i kolaudimit për vëllain e Monika Kryemadhit, as me pagesën e lobimeve.

Nuk dimë të ketë ndonjë akuzë për fshehje dënimi apo masë dëbimi për Metën!

Pse i duhet formulari i dekriminalizimit të Ilir Metaj, Arben Krajes?

Me cilën akuzë ka lidhje procedimi penal nr 122 që citon në letrën e tij Arben Kraja?/ CNA.al