Zegjineja shkëlqen në atë Parlament

30 Prill 2026, 11:14, Editorial CNA

Zegjine Çaushi, nga zgjedhjet e vitit 2025, u bë një personazh rrjetesh sociale, si kandidate për deputete, me qëndrimet që mbante ndaj Gazment Bardhit, me dialektin e saj dhe ngacmimet që bënte me videot në rrjetet sociale.

Më pas, Zegjineja u bë deputete. Tani e kemi në Parlament, del, flet, debaton, përdor të njëjtën formë të shprehuri, nuk përpiqet të jetë pak më letrare.

Paralel ka edhe të tjerë deputetë që bëjnë të njëjtën gjë, siç është Samir Korreshi nga opozita, për shembull.

Zegjineja, në fakt, shpesh raportohet politikisht se: ku jemi katandisur, turp i madh, Parlamenti i Zegjinesë, kemi pasur gra të nderuara, katandisëm te Zegjineja.

Beteja për Zegjinenë, që turpëroi PD-në dhe pse nuk duhet të gëzohet Gazi
2 Korrik, 18:42

Në fakt, Zegjineja është një trëndafil.

Në një këngë të Endri Priftit thuhet se: “trëndafili fshihet në gjethe”. Është një trëndafil i vërtetë atje në Parlament. Në atë Parlament të mbushur me injorantë e analfabetë. Zegjineja ka një shkollë, përdor një dialekt, ka gjetur mënyrën e saj për të komunikuar.

Jo për ta mbrojtur apo për t’i bërë reklamë, kështu ka qenë edhe Klevis Balliu, Agron Shehaj, ja ku i keni, shikoni si janë në Parlament tani, apo të tjerë emra.

Ai Parlament ka 140 deputetë. 100 apo më shumë, ndoshta 120 prej tyre heshtin, nuk i dëgjon kurrë.

Nga Partia Socialiste flasin me gishta: Taulant Balla, Toni Gogu, “Zeqineja”, Erion Braçe ndonjëherë, dikur dilte e fliste Elisa Spiropali, po asaj i vunë drunë.

Nga Partia Demokratike flet Berisha, Belind Këlliçi, Gazi, Jorida, Flamuri, Luçiano Boçi apo Klevis Balliu e ndonjë deputet tjetër.

Po t’i numërosh nuk bëjnë më shumë se 20 apo 30 deputetë.

Zegjine Çaushi-Bardhit: Doktori nuk të hoqi nga vendi për të mos më bërë qejfin mua
19 Shkurt, 11:21

Po pjesa tjetër që heshtin?

Zegjineja të paktën flet, përplaset me opozitën me dialektin e saj, bën dhe ndonjë gafë. Po këta të tjerët që s'flasin fare, çfarë janë?

Midis tyre ka analfabetë. Po, po, analfabetë! Dhe në Parlament, Niko Peleshi duhet të thërrasë urgjent kurse për analfabetizmin.

Ka deputetë që nuk dinë të shkruajnë dhe me shumë gjasë nuk dinë të lexojnë. Dhe krahasohen me Zegjinenë?

Të paktën Zegjineja ka mbaruar një copë shkollë. Janë ca "Zegjine" atje të vërtetë, ashtu vërtet siç kërkojnë ta përdorin këtë term, emrin e saj. Analfabetë që nuk dinë të shkruajnë, nuk dinë të flasin dhe nuk dinë të lexojnë. Injorantë, të pashkolluar, me diploma false.

"O bukurosh s'të çon doktori aty ty. Harroje"/ Zegjine Çaushi ironizon Klevis Balliun
18 Dhjetor, 10:32

Çfarë bëjnë atje?

Rrinë, nuk flasin, po janë numërorë topi. Thjesht numra të një Grupi Parlamentar apo një grupi tjetër.

Dy veta ka Mundësia, Agron Shehajn dhe Erald Kaprin. I ke në çdo seancë. Partia Demokratike ka 50 deputetë në Kuvend bashkë me aleatët, por nuk dihet ku janë.

Përqindja e analfabetëve te grupi i opozitës është më i madh apo më i vogël, nuk ka rëndësi. Rëndësi ka që shumica e deputetëve në Parlament nuk flasin. Përtej analfabetëve, që dhe po t'u japësh një fjalim nuk dinë as ta lexojnë, atje ka edhe njerëz që kanë mbaruar shkolla, ekonomistë, ka mjekë, ka njerëz me vlera, që nuk shfaqen.

Mirë analfabetët i mbulon partia, por tani si kryetar Kuvendi, Niko Peleshi duhet të bëjë një grup kursantësh, të marrë një iniciativë që të paktën kur të dalin nga Parlamenti, përveç qindra milionë që do të kenë marrë si paga, të dinë të lexojnë e të këndojnë, se është turp.

Zegjine Çaushi “dush të ftohtë” Nokës: Gazi të vjen hakut, të ka treguar vendin atje ku të ka kallëzuar
5 Mars, 11:43

Po këta të tjerët pse nuk i lënë të flasin?

Ndaj mos ia qani hallin shumë Zegjinesë. Pas saj fshihen analfabetë, injorantë, budallenj s’i quajmë ne dot se ndoshta dhe i lëvdojmë, por ka të tjerë pafund në atë Parlament analfabetësh që kërkojnë të na simbolizojnë Zegjinenë.

Edhe më lart e theksuam: Zegjineja është trëndafil në tufën e ferrave të atij Parlamenti të mbushur me analfabetë, të pashkollë, të paditur, që paguhen me mijëra euro në muaj nga taksat e shqiptarëve të varfër.

Një deputet merr rreth 50 mijë euro në vit, rreth 200 mijë euro në një mandat, pa folur për përfitimet e tjera. Ky është ai Parlament analfabetësh i mbushur me ferra, ku shkëlqen trëndafili Zegjine./ CNA