web counter
LEXO PA REKLAMA!

SHKARKO APP

App Store
Google Play

“Janë në Apel, duan kohë”, avokati mashtron qytetaren e aksidentuar

25 Qershor 2025, 21:59, Denoncim CNA

“Janë në Apel, duan kohë”, avokati mashtron qytetaren

Suzana Gega është një qytetare, që tregon se është aksidentuar në vitin 2016 dhe aksident ka pësuar edhe e bija në vitin 2018. Për të dy rastet ka marrë avokat zotin Skënder Allmeta. Sipas Suzanës, të dy gjyqet janë në Apel, ndërsa avokati i ka dhënë paradhënie 4 milionë lekë të vjetra.

Emisioni “Stop” komunikoi me avokatin, i cili thotë se çështja është fituar në shkallën e parë e pret gjykimin në Apel.

“Është bërë gjyqi në Shkallën e Parë, kemi fituar dhe kompania e ka dërguar në Apel. Dhe në Apel është në pritje të gjykimit. Kemi bërë kërkesë për përshpejtim, ka bërë dhe Suzana, gjyqtari që në raste të tjera jo, po në këtë rast po është shpreh, si duket është bezdis pas kërkesave të shpeshta, ka dalë me vendim, ka rrëzuar kërkesën për përshpejtim të procesit. Po, janë të dy të ankimume. Janë në Apel dhe do duan kohë sa për dijeni. Tashi, kjo është marrëveshje mes palësh dhe nuk është problem i gazetës, po unë palën e kam favorizuar, nuk e kam cenuar. Po s’e di unë tani, se unë nuk jam aty…”, tha avokati, Skwnder Allmeta.

Nga ana tjetër, në Gjykatën e Apelit, figuron ankimimi për zonjën Suzana Gega, por jo për vajzën e saj Sandra Gega. Sa për të parën, gjykatësja që ka çështjen, Valbona Vatha po shqyrton dosjet e vitit 2018.

Qytetarja: Të lutem! Të pyes për një çështje për datë gjyqi, nëse ka dalë, është palë Byroja Shqiptare e Sigurimeve.

Informacioni: Po! Suzana…

Qytetarja: Gega!

Informacioni: Valbona Vatha, ka këtë gjyqtare. Është e vitit 2024. S’ka datë.

Qytetarja: S’ka datë?

Informacioni: Nuk ka datë. Gjyqtarja, hë, gjyqtarja, që po gjykon vitin 2018.

Qytetarja: Po për Sandra Gega? Është vajza e zonjës.

Informacioni: Sandra Gega?

Qytetarja: Po!

Informacioni: S’më del fare Sandra Gega.

Qytetarja: Po me këtë është, me Byronë.

Informacioni: Vetëm Suzana del atje, nuk del Sandra.

Qytetarja: Sandra nuk del farë hë?/tvklan.al





Lajmet e fundit nga