web counter
LEXO PA REKLAMA!

SHKARKO APP

App Store
Google Play

Emërim i kontestuar në Aeroportin e Vlorës/ Çfarë po ndodh mes kompanisë koncensionare dhe administratorit të ri?

21 Janar 2026, 16:50, Denoncim CNA

Emërim i kontestuar në Aeroportin e Vlorës/ Çfarë po

Kompania zvicerane MABCO, zotëruese e 98% të aksioneve të shoqërisë koncensionare të Aeroportit Ndërkombëtar të Vlorës ka ngritur një tjetër shqetësim lidhur me situatën juridike.

Qëndrimi i ri vjen teksa pak javë më parë kjo kompania ngriti pretendimin për asimetri juridike, pasi aksioneri i minorancës, që përfaqëson vetëm 2% të kapitalit, po bllokonte vendimmarrjen e shumicës dërrmuese dhe po paralizonte ecurinë e punimeve të aeroportit.

Këtë herë, Mabco Constructions SA deklaron se emërimi i Vegim Hoxhës si administrator i shoqërisë është i paligjshëm.

Sipas kompanisë, emërimi është bërë në mënyrë të njëanshme nga ortaku minoritar 2A Group sh.p.k., që disponon vetëm 2% të kuotave, pa respektuar procedurat ligjore dhe kuorumin minimal prej 30% të parashikuar nga legjislacioni shqiptar.  

Emërim i kontestuar në Aeroportin e Vlorës/ Çfarë po
Qëndrimi i Macbo Constructions SA

Shoqëria bën të ditur se ka ndjekur rrugët ligjore për konstatimin e pavlefshmërisë së këtij vendimi dhe se Gjykata e Shkallës së Parë e Juridiksionit të Përgjithshëm Tiranë, me vendimin nr. 1169, datë 19.12.2025, ka pranuar kërkesën për masë sigurimi padie.

“Vegim Hoxha nuk është i autorizuar të ushtrojë kompetenca të plota administrimi, por vetëm veprime strikt të kufizuara dhe të përcaktuara shprehimisht nga gjykata, deri në zgjidhjen përfundimtare të kësaj çështjeje”,-theksohet në qëndrimin e kompanisë, bazuar në vendim.

Më tej, kompania paralajmëron se ky administrato nuk ka të drejtë të përfaqësojë ligjërisht VIA-n apo të lidhë kontrata në emër të saj dhe se çdo akt i ndërmarrë prej tij do të konsiderohet i pavlefshëm, teksa nënvizon se çdo palë e tretë që hyn në marrëdhënie juridike me VIA-n përmes tij e bën këtë duke marrë përsipër rrezikun ligjor./CNA





Lajmet e fundit nga