E fundit!

10:31 Aktualitet

"Meta" shfaq probleme/ Përdoruesit e "Facebook" dhe "Instagram" vështirësi në aksesimin e llogarive

Platforma “Meta” ka shfaqur probleme. Qindra mijëra përdor...

Investigimi/ Delina Ibrahimaj festoi Vitin e Ri me "faljen" e pronave publike, jep me 1 euro, 52 mijë m2 në Porto Romano

11 Janar 2026, 17:03, Denoncim CNA

Investigimi/ Delina Ibrahimaj festoi Vitin e Ri me "faljen" e pronave

CNA ka raportuar një ditë më parë investigimin se si ministrja e Ekonomisë dhe Inovacionit, e drejtuar nga Delina Ibrahimaj, ka miratuar dhënien me qira të 52 000 metra katrorë tokë shtetërore në Porto Romano me një çmim prej 1 euro për një afat 20-vjeçar.

Investigimi/ Delina Ibrahimaj zgjuar për festa, jep me 1 euro, 52 mijë m2 në Porto Romano
10 Janar, 14:40

E ndërsa shqiptarët po përgatiteshin për Vitin e Ri 2026, ministrja Ibrahimaj ka kaluar në qeveri vendimin për dhënien e miratimit dhe lidhjen e një kontrate qiraje me 1 euro ndërmjet Ministrisë së Ekonomisë dhe Inovacionit si qiradhënës dhe shoqërisë "Adriatic Bay Investment Group" sh.p.k. si qiramarrës për pasurinë shtetërore 1/10 Reparti ushtarak 2001, ish-depo e minave në Durrës me vendndodhje Porto Romano, në përgjegjësi administrimi të Ministrisë së Mbrojtjes.

Dokumenti i mëposhtëm tregon dhe vendimin e datës 30 dhjetor, pra, kur njerëzit përgatiteshin për festa, qeveria jepte pronat e qytetarëve me qira. Siç duket, festë për qeverinë është dhënia e pronave publike me qira.

Vendimi i firmosur nga kryeministri Edi Rama

Ministrja Ibrahimaj, ia ka çuar dokumentet për qiradhënie me 1 euro kompanisë “Adriatic Bay Investment”, por nuk ka bërë një garë. Qeveria ka dhënë 52.000 metra katrorë për 52 mijë euro qira, me 1 euro, ndërkohë që në një garë të hapur ndërkombëtare qiraja që do të merrte shteti, buxheti dhe shqiptarët mund të ishte shumë herë më e madhe, ashtu sikundër investimi mund të ishte shumë herë më i madh dhe kolosal sesa ky i paraqituri për rreth 331.6 milionë lekë të rinj në një zonë strategjike që me ndërtimin e portit do të ketë një peshë shumë të madhe dhe një vlerë shumë kolosale.

CNA ka paraqitur dje edhe dokumentat e kontratës se qirasë, e cila tregon se qiramarrësi do ta përdorë për magazina dhe do të ndërtohet në dy faza.

Dy fazat e investimeve të parashikuara në kontratë

Siç u bë me dije, dhënia me qira e kësaj sipërfaqeje është pikërisht afër ndërtimit të portit të ri që pretendohet në Porto Romano në Durrës. Kompania tashmë do të ndërtojë magazinat në një pronë që ka dhe pikëpyetje siç ka dhe shënimet më poshtë në kartela. /CNA