web counter
LEXO PA REKLAMA!

SHKARKO APP

App Store
Google Play

E fundit!

x

Kur KPP-ja bën kërdinë

10 Janar 2026, 15:06, Denoncim CNA

Kur KPP-ja bën kërdinë

Një institucion i shumëpërfolur, diku me të drejtë, diku jo. Ndoshta shpesh në media për interesat e biznesit, KPP-ja është akuzuar, anatemuar padrejtësisht, por hetimet e SPAK-ut na thanë diçka tjetër. Na treguan se si Jonaid Myzyri luante me tenderët. Është marrë i pandehur. Një zyrtar i lartë që njollos shumë KPP-në.

Investigimi i CNA, KPP po mbron sistematikisht BionicTech në prokurimet publike

CNA së fundi ka nxjerrë një material tjetër në lidhje me disa tenderë dhe me kompani të ndryshme. Një denoncim që ka ardhur në CNA dhe ne e kemi verifikuar, favorizimi që KPP po i bën "Bionictech" dhe duket se sërish autorë ka të tjerë: Kreshnik Tërnova, Fiorent Zguro dhe Anila Malaj.

CNA i ka sjellë me fakte, me të dhëna konkrete.

Por ende nuk ka asnjë reagim nga institucionet përgjegjëse. Pasi nuk ka rëndësi ku dhe si zhvillohet procedura; mund të jetë në rregull, me kritere, pa kritere, me vlera më të ulëta, më të larta, KPP-ja është rregullatori final i saj, që duhet të arsyetojë mbi faktet dhe provat që ka përpara.

Por kur e ka të zezën mbi të bardhë dhe e merr e fshin, gris dokumentet, nuk pranon faktet, na tregon një gjë tjetër... është e përlyer, është e përzier.

Dhe, kjo KPP nuk ka lidhje vetëm me faktin konkret që ne po sjellim, por janë me dhjetëra që dalin në media.

Me të drejtë apo të padrejtë, fakti është që në KPP bëhet padrejtësi. Atje ku qytetarët, bizneset duhet të ankohen për të gjetur të drejtën e tyre, gjejnë padrejtësinë e KPP-së. Një padrejtësi tjetër pas një padrejtësie që mund t'u ketë ndodhur më parë.

Dhe pastaj çështjet përfundojnë në gjykata, shteti humb para.

Pse?

Sepse institucionet e para të kontrollit dhe verifikimit të të dhënave, për të marrë vendime të paanshme, profesionale dhe me drejtësi ligjore në bazë të dokumenteve dhe fakteve që kanë, janë kapur për flokësh, ose janë kapur nga lekët.

Ndaj dhe KPP-ja ngelet një institucion apo një strukturë e shumëpërfolur, e shumakuzuar për shkak të padrejtësive sepse në vend që të shkulë korrupsionin, shkul paratë për t'i futur në xhepat e saj./ CNA

 





Lajmet e fundit nga