Denoncim-Arben Rakipi i Magjistraturës kapet në shkelje, zbulohet aktiviteti privat

9 Janar 2025, 11:46, Denoncim CNA

Arben Rakipi

Arben Rakipi drejton shkollën e Magjistraturës në shkelje të ligjit, në konflikt të hapur interesi e madje deri në kushtet e shpërdorimit të detyrës, duke marrë parasysh aktivitetin e tij privat apo të familjarëve të tij.

Shkolla e Magjistraturës funksionon sipas ligjit nr. 115 të vitit 2016, i cili në nenin 250 pika 3 parashikon se drejtuesi i Shkollës nuk mund të mbajë asnjë funksion tjetër publik, angazhim politik apo të ketë veprimtari fitimprurëse, me përjashtim të mësimdhënies.

Gjatë kohës së qëndrimit në funksion, drejtori i Shkollës së Magjistraturës gëzon pagën dhe përfitimet e gjyqtarit të Gjykatës së Lartë. Funksioni i drejtorit të Shkollës së Magjistraturës është i papajtueshëm me çdo funksion tjetër publik, anëtarësimin në partitë politike apo pjesëmarrjen në veprimtaritë e tyre, ose kryerjen e çdo veprimtarie tjetër fitimprurëse, me përjashtim të mësimdhënies dhe veprimtarive me natyrë shkencore.

Sipas këtij neni, Arben Rakipit i ndalohet kategorikisht që të zotërojë një kompani private, apo të ketë përfitime nga ndonjë kompani. Madje kjo përforcohet edhe nga “Rregullorja për parandalimin e konfliktit të interesave, si dhe deklarimin e pasurive në ushtrimin e funksioneve publike në Shkollën e Magjistraturës”, dokument i cili është i publikuar në faqen zyrtare të Shkollës së Magjistraturës dhe që për ironi mban firmën e Arben Rakipit.

Skandali/ Studioja ligjore e Arben Rakipit paguhej nga OJF-të e Veliajt dhe Ajola Xoxës
9 Janar, 10:40

Në nenin 21, posaçërisht për “Kufizimin e interesave private për parandalimin e konfliktit rast për rast të interesit për çështje të veçanta”, pika a, parashikon:

Drejtori i Shkollës së Magjistraturës nuk mund të kryejë asnjë veprimtari fitimprurëse, me përjashtim të mësimdhënies dhe veprimtarive me natyrë shkencore.

Në emisionin "Plug" në "Syri TV", ka zbuluar se Arben Rakipi ka kryer shkelje ku në konflikt interesi ushtron profesionin e tij në kundërshtim me ligjin në subjektin e tij privat.

Nga të dhënat e mbledhura në Qendrën Kombëtare të Biznesit rezulton se Arben Rakipi ka qenë i regjistruar si Person Fizik me NIPT K71813004C, nga viti 2006 deri në shtator të vitit 2020 kur eshtë çregjistruar.

Në 25 qershor të vitit 2020 Arben Rakipi, Jon Rakipi, Ermir Beta dhe Romina Zano (Lleshi) themelojnë kompaninë Zyra Ligjore Rakipi & Partners. Jon Rakipi (i biri i Arben Rakipit) përfaqësohet me prokurë nga e ëma Vilma Rakipi pasi është shtetas holandez, rezident në Holandë dhe punon atje me kohë të plotë.

Që nga themelimi Arben Rakipi do të zotërojë 55% të aksioneve, Jon Rakipi do të zotërojë 10% të Aksioneve, Ermir Beta do të zotërojë 20% të aksioneve dhe Romina Zano 15% të aksioneve.

Zyra Ligjore Rakipi & Partners, regjistrohet në QKB në korrik të 2020, kur zyrtarisht nis edhe

Pra siç rezulton nga këto dokumente, Arben Rakipi, edhe pse ishte i komanduar në funksionin e drejtorit të Shkollës së Magjistraturës, ka vazhduar të ushtrojë aktivitetin privat të Avokatit dhe 3 ditë përpara se të hapej gara për këtë funksion themelon një tjetër shoqëri, e cila është regjistruar në QKB në korrik 2020, periudhë kjo kur Arben Rakipi do të aplikonte për t'u zgjedhur si Drejtues i Shkollës së Magjistraturës. Pra sipas ligjit për Shkollën e Magjistraturës dhe rregullores së saj, shkelje e hapur dhe vendosje në kushtet e konfliktit të interesit. Tashmë u mbetet organeve ligjzbatuese të kryejnë verifikimin e plotë të dosjes së aplikimit, e nëse ky aktivitet ishte deklaruar në të.

Fakti mbetet që Arben Rakipi gjatë ushtrimit të detyrës së drejtorit të Shkollës së Magjistraturës e dinte fare mirë që ligji ia ndalonte zotërimin e Aksioneve në Shoqëri tregtare dhe me vetëdije të plotë jo vetëm e ushtroi privatisht profesionin e avokatit, por dhe themeloi një shoqëri të re tregtare.

Nuk mbaron këtu! Vetëm 20 ditë pas themelimit të kompanisë, më 28 korrik të 2020, Arben Rakipi zgjidhet drejtor i Shkollës së Magjistraturës për një mandat 4-vjeçar me të drejtë riemërimi. Siç e shpjeguam më sipër, ligji dhe rregullorja e përcakton qartë se Drejtuesi i Shkollës së Magjistraturës dhe familjarët nuk mund të ushtrojnë aktivitet privat./ CNA