E fundit!

11:47 Aktualitet

Video/ Bllokohet lëvizja në sheshin "Skënderbej", qytetarët të revoltuar, debatojnë me efektivët

Ditën e sotme në sheshin “Skënderbej” është zhvilluar fest...

Kalendari historik/Çfarë ka ndodhur më 23 Shtator

23 Shtator 2023, 10:06, Blog CNA

1939 - Ndërron jetë “babai” i psikanalizës Sigmund Frojd

Sigmund Frojd, lindur në Frajberg të Moravisë, dikur pjesë e Perandorisë Austro-hungareze, sot Pribor i Republikës Çeke, u nda nga jeta më 23 shtator 1939 në Londër, Angli. Teoria e tij e psikoanalizës, ishte njëkohësisht teori e psikikës njerëzore, një terapi për lehtësimin e sëmundjeve të saj, si dhe një optikë për interpretimin e kulturës dhe shoqërisë.

Ai u diplomua në Universitetin e Vjenës në Austri, dhe në vitin 1882 nisi punë në Spitalin e Përgjithshëm të Vjenës si ndihmës i psikiatrit të njohur Teodor Mejnert. Në fund të vitit 1885 Frojdi u largua nga Vjena për të vazhduar studimet e tij në neuropatologji në Klinikën Salpetrier në Paris, ku punoi nën drejtimin e Zhan-Martin Sharko.

19 javët e kaluara në kryeqytetin francez, rezultuan të ishin një pikë kthese në karrierën e tij. Puna me pacientë të klasifikuar si “histerikë”, e njohu Frojdin me mundësinë që çrregullimet psikologjike ta kishin burimin tek mendja dhe jo truri, pra në pjesën shpirtërore dhe jo fizike.

Kalendari historik/Çfarë ka ndodhur më 23 Shtator

Disa muaj pas rikthimit të tij në Vjenë, Frojdi u martua me Marta Bernais, vajzën e një familjeje të shquar hebreje. Ajo do të lindte 6 fëmijë, njëra prej të cilëve, Ana Frojd, do të bëhej vetë një psikoanaliste e shquar. Në dallim nga Sharko, Frojdi arriti në përfundimin, bazuar në përvojën e tij klinike me femrat histerike, se burimi i sëmundjes kishte një natyrë seksuale.

Ai i lidhi në përgjithësi simptomat neurotike me një luftë midis një ndjenje apo nxitjeje seksuale dhe mbrojtjeve psikike kundër saj. Duke ndërthurur prova nga ëndrrat vetjake me prova nga ato të rrëfyera në praktikën e tij klinike, Frojdi pretendoi se ato luanin një rol themelor në gjendjen psikike të njeriut.

Energjia e mendjes, të cilën Frojdi e quajti libido dhe e identifikuar kryesisht, por jo ekskluzivisht, tek dëshira seksuale, ishte një forcë e aftë për një fuqi të tepruar dhe shqetësuese. Duke pasur nevojë të shkarkohej për të siguruar kënaqësi dhe për të parandaluar dhimbjen, ajo kërkonte çfarëdolloj rrugëdalje që mund të gjente.

Kalendari historik/Çfarë ka ndodhur më 23 Shtator

Nëse mohohet kënaqësia e ofruar nga veprimi i drejtpërdrejtë motorik, energjia libidinale mund të kërkojë çlirimin e saj përmes kanaleve mendore. Dhe të gjitha ëndrrat, pohonte Frojdi, madje edhe ankthet që shfaqin ankth të dukshëm , janë përmbushja e dëshirave të tilla.

Ngjarje të tjera të rëndësishme:

1930 - Lindi këngëtari i famshëm amerikan Rei Çarls, një ikonë e muzikës bluz dhe xhaz.

1943 - Benito Musolini rivendos regjimin fashist në një pjesë të Italisë veriore, në një zonë të kontrolluar nga Gjermania, në Garnanjo pranë liqenit të Gardës.

1973 - Vdes shkrimtari nobelist kilian Pablo Neruda. Ai njihet si ndër poetët më të mëdhenj të shekullit të XX-të.

1954 - Policia gjermano-lindore, arreston 400 qytetarë të dyshuar si spiunë të amerikanëve.

1992 - Ushtria e përkohshme Republikane Irlandeze (IRA), shpërthen një bombë 1.3 ton, duke shkatërruar plotësisht laboratorin e mjekësisë ligjore të Irlandës së Veriut. Nga shpërthimi pati fatmirësisht vetëm 20 persona të plagosur, ndërsa u dëmtuan mbi 700 banesa./ Përshtatur nga CNA