LEXO PA REKLAMA!

SHKARKO APP

Kalendar historik/ Çfarë ka ndodhur më 21 shtator

21 Shtator 2023, 09:31, Blog CNA
Kalendar historik/ Çfarë ka ndodhur më 21 shtator
Foto ilustruese

1792 – Në Francë hiqet monarkia dhe vendoset republika

Në Francën Revolucionare, Asambleja Legjislative voton në shumicë pro shfuqizimit të monarkisë dhe krijimin të Republikës së Parë.

Kjo lëvizje erdhi vetëm 1 vit pasi mbreti Luigji XVI miratoi me ngurrim një kushtetutë të re, e cila i hoqi atij një pjesë të mirë të pushtetit që zotëronte.

Kalendar historik/ Çfarë ka ndodhur më 21 shtator

Luigji u ngjit në fronin francez në vitin 1774, dhe që në fillim u pa se ishte i paaftë të përballej me problemet e rënda financiare që trashëgoi nga paraardhësit e tij.

Në vitin 1789, mungesa e ushqimit dhe krizat ekonomike çuan në shpërthimin e Revolucionit Francez.

Mbreti Luigj dhe mbretëresha e tij, Maria-Antoneta, u burgosën në gushtin e vitit 1792. Ndërkohë më 20 shtator të po atij viti u shfuqizua monarkia dhe u shpall republika. Menjëherë pas këtij akti, u zbuluan prova të intrigave kundërrevolucionare të Mbretit.

Kalendar historik/ Çfarë ka ndodhur më 21 shtator

Luigji e mbretërit e disa vendeve të huaja u gjykuan për akuzën e rëndë të tradhtisë kombëtare.

Në janarin e vitit 1793, Luigji u shpall fajtor dhe u dënua me vdekje me një shumicë të ngushtë deputetësh në Asamblenë Kombëtare.

Kalendar historik/ Çfarë ka ndodhur më 21 shtator

Më 21 janar, ai u dërgua nga burgu në sheshin ku ndodhej gijotina dhe u ekzekutua me prerje koke. Bashkëshortja e tij Maria-Antoneta u ekzekutua po në të njëjtën gijotinë 9 muaj më vonë.

Ngjarje të tjera të rëndësishme:

19 P.E.S - Vdes poeti romak Virgjili, i njohur më së shumti për epikën e tij kombëtare “Eneida”.

1327 - Mbreti i Anglisë Eduardi II, vritet me urdhër të bashkëshortes së tij.

1520 - Sulejmani (i Madhërishëm), biri i Sulltan Selimit, bëhet sulltani i ri i Perandorisë Osmane. Nën sundimin e tij, perandoria arriti zgjerimin e saj më të madh në 3 kontinente, Azi, Evropë dhe Afrikë.

1915 - Stonehenge, një monument historik prej gurësh antikë që ndodhet në Angli, u shit në një ankand për vlerën 6.600 paund (11.500 dollarë). Blerësi e ia dhuroi atë gruas së tij.

1921- Një shpërthim i tmerrshëm në një kullë që përmbante 4500 ton përzierje të sulfatit të amonit dhe nitratit të amonit në një fabrikë në Opau të Gjermanisë vret rreth 600 njerëz dhe plagos më shumë se 2.000 të tjerë.

1972 - Presidenti i Filipineve Ferdinand Markos vendosi ligjin ushtarak në Filipine, duke filluar kështu një periudhë të sundimit të ashpër autoritar.

1998 - Publikohet dëshmia e presidenti Bill Klinton në Gjykatën e Lartë mbi marrëdhënien e tij me nëpunësen e Shtëpisë së Bardhë Monika Levinski.

1993 - Rusia zhytet në një krizë kushtetuese, pasi presidenti rus Boris Jelcin vendosi të pezullojë parlamentin dhe shfuqizojë Kushtetutën ekzistuese.

1999 - Një tërmet i fortë godet Tajvanin, duke vrarë më shumë se 2.400 njerëz dhe plagosur mbi 11 mijë të tjerë. Dëmet matariale i kapërcyen 10 miliardë dollarë./ Përshtatur nga CNA

Lajmet e fundit nga