web counter
LEXO PA REKLAMA!

SHKARKO APP

App Store
Google Play

Zgjedhja e anëtarësisë së PD-së/ Shehi: Përfshirja e grave dhe të rinjve mos të shitet si rinovim

1 Korrik 2026, 21:36, Aktualitet CNA

Zgjedhja e anëtarësisë së PD-së/ Shehi: Përfshirja

Kreu i LZHK-së Dashamir Shehi, ka komentuar procesin e zgjedhjes së anëtarësisë së re të Partisë Demokratike.

Në një dalje televizive, Shehi e cilësoi si pozitive përfshirjen e grave dhe të rinjve në strukturat drejtuese të PD-së por shtoi se kjo nuk duhet të shitet si rinovim.

Ndër të tjera, ai tha se qytetarët në protestë kërkojnë ndryshimin e Kushtetutës që bëri kryeministri Edi Rama dhe kryedemokrati Sali Berisha në 2008-ën, ndryshimin e Ligjit Zgjedhor.

Sipas Shehit këto kërkesa nuk i pëlqejnë Berishës.

“Kanë zgjedhur disa të rinj, disa goca, gra, mirë kanë bërë për mua. Jo se do bëjnë ndonjë gjë, atje është Berisha dhe janë 100 vende bosh. Shpresa është që duke qenë të rinj, inshallah s’kanë edhe ngarkesa në kurriz, me shpresë që do t’i japin një vrull, do hapin politikën brenda partisë. Të kenë mundësi t’i thonë kryetarit: Ndalo se kjo s’duhet bërë kështu. Por s’duhet të krijojmë idenë e rreme se do ndryshojë politika se janë zgjedhur disa të rinj. Atje është po Berisha vetë. Disa principe prapë s’janë respektuar. Ai thotë kemi dy gra për kryetare këshilli, por ky është një pozicion që mbërrihet me karrierë dhe kontribut politik. Është një lloj dekori, ku duhet edhe artisti, edhe arkitekti, i riu. Por politikisht janë bosh, s’kanë substancë politike, substancë ka ai që ka rritur shkallët me kontribut. Që tani unë e paragjykoj, por gjithësesi prapë them është mirë që janë disa fytyra të reja. Avantazhi i këtyre është që s’kanë ngarkesë në shpinë. E quaj pozitive nga kjo pikëpamje, por të ma shesësh këtë sikur ky është rinovimi, jo. Tha Berisha ato duan ato që kërkojmë ne, qeveri teknike, etj. Jo, ato kërkojnë edhe disa gjëra që s’i vjen mirë Berishës, kërkojnë të ndryshohet Kushtetuta, që e ka bërë Berisha me Ramën në 2008-ën, kërkojnë të ndryshohet Ligji Zgjedhor. Atë s’e thotë ai. E quaj pozitive që e ka kuptuar që kësaj mos i dil kundër se do humbësh edhe tabanin popullor", tha Shehi. /CNA





Lajmet e fundit nga