web counter
LEXO PA REKLAMA!

SHKARKO APP

App Store
Google Play

E fundit!

x

Vrasja në ish-Bllok dhe arrestimet/ Zbërthehet celulari i Ervis Martinajt, detaje të rëndësishme mbi trafiqet dhe krimet

20 Nëntor 2023, 22:58, Aktualitet CNA
Vrasja në ish-Bllok dhe arrestimet/ Zbërthehet celulari i Ervis
Ervis Martinaj

Policia me urdhër të Prokurorisë së Posaçme dhe vendimet e gjykatës, ka kryer një operacion në kryeqytet ku ka lëshuar 11 urdhër arreste, ku përfshiheshin ish drejtues të lartë të policisë, po ashtu dhe punonjës të policisë.

Mes emrave që janë vënë në pranga të policisë është ish zëvendës drejtori i policisë së Tiranës, Erzen Breçani, dhe është lënë në detyrim paraqitje oficerja e drejtorisë së kufirit të migracionit J.B.

Urdhër arresti është lëshuar edhe për një tjetër personazh të njohur nga drejtësia siç është Ervin Mata, i njohur për përplasjen me të shumëkërkuarin Ervis Martinaj disa vite më parë.

Ngjarja ka ndodhur në 4 tetor të 2018, ku ka mbetur i vrarë Fabjan Gaxha, truproja i Ervis Martinajt.

Por si arriti SPAK deri në lëshimin e 11 urdhër-arresteve dhe zbardhjen e disa ngjarjeve kriminale?

Pak javë më parë, familjarë të Ervis Martinaj kanë dorëzuar në SPAK kodet e aplikacionit “Sky” që janë përdorur nga Martinaj, para se ai të zhdukej.

Familjarët kanë dorëzuar disa kode të aplikacionit, që janë përdorur nga Martinaj gjatë periudhës kur “Sky” ishte funksional.

SPAK disa muaj më parë ka marë nga autoritet Belge dhe Franceze, komunikime të rëndë nga aplikacioni SKY për shumë shqiptarë pjesë e grupeve kriminale.

Pak kohë më parë është çkoduar telefoni i Martinaj. SPAK ka nxjerrë të dhënat dhe janë siguruar provat që lidhen me ngjarjen në zonën e ish Bllokut 5 vite më parë dhe të tjera në vazhdim.

Falë çkodimit të kodeve të Martinajt në SKY  janë zbuluar detaje shumë të rëndësishme dhe të dhëna mbi ngjarje kriminale, trafikun e drogës etj.

Mësohet se është zbuluar komplet dinamika e ngjarjes dhe vrasja që ka ndodhur në ish zonën e Bllokut, largimi i dëshmitarëve, ndihma edhe nga policia e shumë detaje të tjera.

Kujtojmë se Ervis Martinaj ndodhet i zhdukur që prej muajit Gusht të 2022. Ende nuk dihet fati i tij. SPAK ka kryer disa herë kontrolle të befasishme në banesën e Martinajt në Fushë Kuqe dhe Surrel ku ka gjetur armë dhe shumë element të tjerë.

Autoritetet shpesh janë pyetur për fatin e Martinajt, i cili vazhdon të jetë ende një mister edhe për drejtësinë.

Ekspertët së fundi kanë paralajmëruar se do të ketë shumë arrestime në radhët e policisë dhe organet ligjzbatuese.

Mbi 11 personat e akuzuar, SPAK ka dyshime se kanë kryer pastrim parash, trafik droge, sigurim kushtesh për të kryer vrasje, shpërdorim detyre dhe përkrahje e autorit të krimit./ CNA

 





Lajmet e fundit nga