web counter
LEXO PA REKLAMA!

SHKARKO APP

App Store
Google Play

E fundit!

x

Tallja me dorëheqjen e Pezës

25 Mars 2024, 20:05, Aktualitet CNA
Tallja me dorëheqjen e Pezës
Alfred Peza

Disa media, edhe të gazetarëve dhe analistëve që pretendojnë se kanë eksperiencë, nga ata të paguarit me para inceneratorësh pretendojnë se drejtori i RTSH-së, Alfred Peza ka dhënë dorëheqjen.

Një lajm i tillë u tha edhe nga deputetja Ina Zhupa, CNA raportoi, por në fakt ende nuk ka një konfirmim zyrtar se Alfred Peza ka dhënë dorëheqjen.

Fakti është që Alfred Peza ka hequr disa sende personale dhe disa piktura nga zyra e tij. Kjo ka bërë lajmin e madh të dorëheqjes.

Një media anonime disa ditë më parë raportoi se Alfred Peza kishte dhënë dorëheqjen, ndërsa sot lajmi mori dhenë. CNA raportoi korrektësish informacionin.

Në fakt, nuk është se duam të mbrojmë Alfred Pezën, pasi për ne ai nuk duhet të japë dorëheqjen, por të shkojë para drejtësisë për një shkatërrim spektakolar që edhe armiku më i madh nuk do ia kishte bërë RTSH-së, duke hequr persona me eksperiencë të madhe nga puna, duke rritur kostot e festivaleve me qindra mIliona lekë e kështu me radhë.

Kjo është arsyeja se përse duhet të shkojë të hetohet, ndërkohë që KLSH-ja po kontrollon këtë institucion. Por nuk mund të konfirmohet dhe nuk mund të abuzohet se Peza ka dhënë dorëheqjen, duke theksuar se u dorëhoq dhe dorëheqja iu miratua nga bordi i drejtorëve.

Në fakt, në RTSH nuk ka asnjë bord drejtorësh. Në RTSH ka Këshill Drejtues të Radio Televizionit Shqiptar, i cili nxirret nga Parlamenti dhe është kjo strukturë ajo që hap garën për drejtorin e ri.

Pra, drejtorin e emëron ose e shkarkon Këshilli Drejtues dhe mund të largohet me dorëheqje të parevokueshme.

Në momentin që Peza jep dorëheqjen, Këshilli Drejtues mblidhet dhe më pas, në rast se dorëheqja është e parevokueshme shpall garën për drejtorin e ri të RTSH-së. Këto janë hapat ligjorë.

Teoritë me mbledhje borde drejtorësh dhe me miratime të tilla janë gënjeshtra. Këshilli Drejtues i RTSH-së nuk është mbledhur dhe gjithçka mesa duket është ende në vazhdën e një abuzimi, por pritet të konfirmohet fakti a ka dhënë dorëheqjen apo jo Alfred Peza, i cili zyrtarisht ende nuk është konfirmuar, mbetet thjesht një thashethem abuziv nga portalet./ CNA





Lajmet e fundit nga