web counter
LEXO PA REKLAMA!

SHKARKO APP

App Store
Google Play

Si po e ndihmon SPAK bandën e inceneratorëve

23 Maj 2023, 20:02, Aktualitet CNA
Si po e ndihmon SPAK bandën e inceneratorëve
Kreu i SPAK, Altin Dumani

Inceneratorët janë një aferë korruptive që fillon në Elbasan, shkon në Fier dhe vjen në Tiranë, rreth 480 milionë dollarë kontrata, ndërkohë që shifra pretendohet të jetë gati dyfish më e lartë.

SPAK ka dërguar në gjykatë inceneratorin e Elbasanit, pritet të dërgohet Fieri, ndërkohë që ende nuk ka dhënë asnjë shenjë për Tiranën, megjithëse në një dalje të tijën mediatike, kreu i SPAK, Altin Dumani tha se ishte i kujdesshëm për të zbuluar kush qenë aksionerët e vërtetë të kompanisë dhe i trembej një Arbitrazhi.

Në fakt, mjafton të shikojmë akuzën e ngritura së fundi nga SPAK për Mirel Mërtirin, Klodian Zoton, Stela Gugalljan dhe bashkëpunëtorët e tyre, përfshi këtu dhe ish-ministrin Koka dhe ish-sekretarin e tij Alqi Bllako, për të kuptuar se SPAK po ndihmon, për të mos thënë se ka patur një marrëveshje të bërë brenda saj apo në nivelet e larta të politikës, për të ndihmuar personat e akuzuar.

Mjafton të bësh një përllogaritje të thjeshtë. Në të gjitha akuzat e ngritura, të cilat ishin me 5, 7 apo 8 vite, as aritmetika nuk funksionon mirë te SPAK, por ia bashkojnë këto vite dhe kërkojnë thjeshtë dhe vetëm 10 vite burg. Kërkojnë 10 vite burg dhe me gjykim të shkurtuar shkojnë në 6.8 vite.

Por çfarë janë këto 10 vite burg?

Personat kryesorë, Mirel Mërtiri dhe Stela Gugallja ndodhen në Vjenë, nga ana tjetër Klodian Zoto vjen vërdallë netëve të Tiranës apo periferive të saj, e në rast se këta persona dënohen deri në fund me kërkesën e bërë nga SPAK-u në gjykatë apo diçka më pak dhe nëse për 10 vite nuk kapen, këta konsiderohen si njerëz të lirë, sikur nuk janë të dënuar dhe nuk do të vuajnë asnjë ditë burg.

Për më tepër, do vazhdojnë të marrin milionat e eurove të inceneratorëve dhe t’i kenë në xhepat e tyre.

Pra, në rast se Mirel Mërtiri, Stela Gugallja dhe Klodian Zoto dënohen në më pak se 10 vite dhe për 10 vite dhe ata nuk arrestohen, nuk dërgohen për të vuajtur dënimin, siç po ndodh që po kërkojnë strehim politik në Vjenë, apo po përpiqen të kenë mburoja të tjera, duke gjetur kleçka të tjera ligjore duke jetuar në Europë, pas kalimit të viteve të plota, sipas kërkesës së bërë nga SPAK-u, personat janë qytetarë të lirë.

Si po e ndihmon SPAK bandën e inceneratorëve
Fotomontazh - Mirel Mërtiri, Stela Gugallja dhe Klodian Zoto

Pra, dënohen me burg formalisht në Shqipëri, qëndrojnë dhe jetojnë në mes të Europës, siç është rasti i Mirelit dhe Stelës në Vjenë dhe në fund, pas 10 vitesh, në rast se nuk kapen janë qytetarë të lirë, vazhdojnë të marrin paratë e inceneratorëve dhe të trashëgojnë milionat e eurove pasuri të vëna nga taksat e shqiptarëve të varfër, nga afera dhe korrupsioni i inceneratorëve. Do vazhdojnë të paguajnë media e bëjnë shantazh nëpërmjet tyre drejtësisë. 

Ky është një nga rastet flagrante, ku qartazi duket se SPAK dhe prokurorët e tij ose kanë marrë një urdhër politik, ose kanë bërë një marrëveshje me palët që gjithçka të mbyllet me kaq.

Kjo sepse së pari nuk është ngritur akuza e një grupi të strukturuar kriminal, pasi kemi të bëjmë me të njejtët persona që shkojnë sa në Elbasan, në Fier, shfaqen dhe në Tiranë, por akuza për grup të strukturuar kriminal nuk është bërë dhe nga nenet e kërkuara gjithçka është mbajtur në minimum edhe me gjykim të shkurtuar që këta njerëz të shpëtojnë, do dënohen formalisht, nuk do të bëjnë asnjë ditë burg. Gjithçka një farsë.

Me kalimin e viteve mbarojnë afatet ligjore dhe janë qytetarë të lirë me çantat dhe thasët me para nga taksat e shqiptarëve, me ato para sigurisht jetojnë në Vjenë, në Europë si pashallarë ndërkohë që shqiptarët vazhdojnë i paguajnë ditë pas dite me miliona e miliona euro./ CNA.al





Lajmet e fundit nga