Dokumenti - Kërkohet 57 vite burg për njerëzit e inceneratorëve dhe sekuestrimi i 2 kompanive koncesionare

18 Maj 2023, 18:35, Aktualitet CNA

Dokumenti - Kërkohet 57 vite burg për njerëzit e

Prokuroria e Posaçme kundër Korrupsiont dhe Krimit të Organizuar dha sot pretencën për 9 të pandehurit e përfshirë në aferën e inceneratorit të Elbasanit.

CNA ka siguruar dokumentin me pretencën e Prokurorisë së Posaçme, e cila kërkoi në total 57 vite burg për personat e përfshirë në aferën korruptive me vlerë 24 milionë euro.

Organi i akuzës ka kërkuar dënimin me 10 vite burg për ish-ministrin e Mjedisit, Lefter Koka, i cili akuzohet për korrupsion duke përfituar rreth 3.6 milionë euro nga dy kompanitë koncesionare.

Afera e inceneratorëve/ SPAK-u kërkon 10 vite burg për ish-ministrin Koka dhe 4 vite për Bllakon
18 Maj, 10:06

Gjithashtu 10 vite burg u kërkua edhe për Mirel Mërtirin, i cilësuar nga SPAK si “truri” i inceneratorëve dhe për Klodian Zoton.

Ndaj tyre rëndojnë akuzat për veprat penale “Korrupsioni aktiv i funksionarëve të lartë shtetërorë ose i të zgjedhurve vendore”, “Pastrimi i produkteve të veprës penale apo i veprimtarisë kriminale”.

Bosët e aferës së djegësve në arrati/ SPAK-u kërkon 27 vite burg për “trurin” e inceneratorëve dhe bashkëpunëtorët e tij
18 Maj, 10:21

Koka, Mërtiri dhe Zoto, falë gjykimit të shkurtuar mund të dënohen me 6 vite e 8 muaj burgim.

Dokumenti - Kërkohet 57 vite burg për njerëzit e

Për Stela Gugalljan është kërkuar dënim me 7 vite burg për veprat penale “Korrupsioni aktiv i funksionarëve të lartë shtetërorë ose i të zgjedhurve vendore”, “Pastrimi i produkteve të veprës penale apo i veprimtarisë kriminale” dhe mund të dënohet me 4 vite e 8 muaj burg.

Për ish-sekretarin e ministrisë së Mjedisit, Alqi Bllako u kërkua 4 vite burg për “shpërdorim detyre, kryer në bashkëpunim” dhe mund të dënohet me 2 vite e 8 muaj burg.

Gjithashtu SPAK ka kërkuar konfiskimin e dy kompanive kryesore që përfituan koncesionin me vlerë 24 milionë euro, “Integrated Technology Sh.p.k” dhe “Alb Tech”, po ashtu dhe të 4 kompanive që i paguan ato.

SPAK-u, në krah të korrupsionit të inceneratorëve/ Nuk hetohen si grup i strukturuar kriminal
18 Maj, 12:28

Mes pasurive të tjera, është kërkuar konfiskimi i 8 apartamenteve dhe tre pasurive të paluajtshme të Lefter Kokës, ashtu si edhe 88% të aksioneve të ish-ministrit të Mjedisit në kantinën e tij të verës “Gjergj Kastrioti Skënderbeu”, që ndodhet në Durrës.

Pretenca e SPAK:

Lefter Koka, SPAK kërkon 10 vite, përfiton 6.8 me gjykim të shkurtuar.

Alqi Bllako, SPAK kërkon 4 vite, përfiton 2 vite 8 muaj me gjykim të shkurtuar.

Mirel Mërtiri, SPAK kërkon 10 vite burg, përfiton 6 vite e 8 muaj me gjykim të shkurtuar.

Stela Gugallja, SPAK kërkon 7 vite burg, përfiton 4 vite e 8 muaj me gjykim të shkurtuar.

Klodjan Zoto, SPAK kërkon 10 vite burg, përfiton 6 vite e 8 muaj me gjykim të shkurtuar.

Pëllumb Abeshi, SPAK kërkon 4 vite burg, 2 vite e 8 muaj me gjykim të shkurtuar.

Jonida Zeqo, SPAK kërkon 4 vite burg, 2 vite e 8 muaj me gjykim të shkurtuar.

Serafin Papa, SPAK kërkon 4 vite burg, përfiton 2 vite e 8 muaj me gjykim të shkurtuar.

Bardhyl Çabiri, SPAK kërkon 4 vite burg, përfiton 2 vite e 8 muaj me gjykim të shkurtuar./ CNA.al