web counter
LEXO PA REKLAMA!

SHKARKO APP

App Store
Google Play

Manjani me tone të ashpra/ Shqipëria e sotme është komuniste

16 Maj 2023, 21:21, Aktualitet CNA

Manjani me tone të ashpra/ Shqipëria e sotme është komuniste

Ish-ministri i Drejtësisë, Ylli Manjani ka deklaruar se me këtë rezultat zgjedhjesh dhe fitoren e PS-së, Shqipëria është kthyer përfundimisht në monizëm.

Sipas tij, Shqipëria tashmë është kthyer në një vend komunist.

Manjani tha se pushteti është i lidhur me narkotrafikun dhe mbi të gjitha me parat e krimit.

“Unë dua që Shqipërisë së sotme ti vendosim një emër dhe jemi tashmë me monizëm të legalizuar. Shqipëria është kthyer përfundimisht në monizëm. Nuk është monizëm i tipit të Enver Hoxhës, por mund të bëhet.

Shqipëria  është sot një monizëm me një narkoshtet në krye. Republika e Shqipërisë ngjan më shumë me Kolumbinë, Venezuelës, Salvadorin, këto vendet e Amerikës Latine dhe çuditërisht edhe atje gjendet gjithmonë një amerikan që i mbështet. Duam s’duam ne, kjo këtë emër ka.

Të thuash në këtë çast se faji është i këtij apo atij, kjo është më e thjeshta. Sot dhe gjithë ditën na intereson të lexojmë Shqipërinë njëherë dhe Shqipëria e sotme është komuniste. Ka një nukël komunistësh të rinj në krye, është një molepsje e pushtetit me narkotrafikun, me para krimi, me ekonomi që sundohet nga kjo klikë dhe nuk ka ardhur sot.

Vendimi i popullit shqiptar ka ardhur në vite, është vendim i popullit shqiptar dhe unë kam respekt për vendimin e popullit edhe kur s’më pëlqen” , tha ai./CNA.al





Lajmet e fundit nga