web counter
LEXO PA REKLAMA!

SHKARKO APP

App Store
Google Play

Shënim/ Skandali që na zbulon SPAK me inceneratorin e Fierit

12 Qershor 2023, 17:10, Aktualitet CNA
Shënim/ Skandali që na zbulon SPAK me inceneratorin e Fierit
Inceneratori i Fierit

Sot SPAK-u kërkoi në gjykatë dënimet e zyrtarëve të përfshirë në aferën korruptive të ndërtimit të inceneratorit të Fierit, ku sipas të dhënave zyrtare janë përfshirë ish-ministri i Mjedisit, Lefter Koka, ish-sekretari i tij i përgjithshëm, Alqi Bllako, Klodian Zoto, si aksioner i kompanisë ndërtuese të këtij inceneratori dhe shumë persona të tjerë.

Në fakt, nga përllogaritjet që ka bërë SPAK-u del se dëmi i shkaktuar është 60 milionë lekë të rinj, pra rreth 600 milionë lekë të vjetër, apo rreth 600 mijë euro.

Kaq është dëmi i llogaritur nga ekspertët e SPAK-ut. Se ku e kanë gjetur këtë vlerë ekspertët apo kush i ka manipuluar këto shifra, ende nuk dimë ta themi, por e vërteta është se kjo vlerë mund të ishte shumë herë më e madhe ose mund të mos ekzistonte fare.

Shënim/ Skandali që na zbulon SPAK me inceneratorin e Fierit

Pse 600 dhe jo 35 milionë euro?

Sepse inceneratori në Fier nuk funksionon, është jashtë pune sot që flasim. Edhe pse qeveria shqiptare ka dhënë një thes me para, inceneratori është jashtë pune.

Kujtojmë këtu se me një shkresë zyrtare, kompania koncesionare e ndërtimit, “ITS”, tha se e kishte përfunduar inceneratorin e Fierit, por nga kontrollet e bëra nga SPAK-u dhe ekspertët u gjet se investimi nuk ishte kryer, nuk ishte përfunduar.

Gjithashtu, u gjetën transaksione dhe u zbulua një aferë e gjerë korruptive që fillonte nga inceneratori i Elbasanit, shkonte në Fier, ku përfshihej “truri” i inceneratorëve, Mirel Mërtiri, ortaku i tij, Klodian Zoto, dhe bashkëjetuesja e tij, Stela Gugallja.

Sipas të dhënave zyrtare, një ish-ministër ndodhet në burg, por ende inceneratorët nuk janë duke funksionuar. Në Fier, inceneratori nuk është marrë në dorëzim nga pushteti vendor. Ligji parashikon se në momentin që përfundonte investimi, ai merrej në administrim nga bashkitë e qarkut të Fierit, por duke qenë se inceneratori nuk funksionon dhe nuk ka përfunduar investimi, është ende në administrim nga Farudin Arapi, që është vendosur nga Agjencia e Pronave të Sekuestruara të qeverisë shqiptare pas vendimit të gjykatës.

Në fakt, ka disa problematika me inceneratorin e Fierit.

Së pari, dëmi ekonomik i përllogaritur. Pse 600 mijë euro kur inceneratori nuk ka përfunduar dhe ndoshta duhen edhe qindra mijëra euro të tjera investim?

Shënim/ Skandali që na zbulon SPAK me inceneratorin e Fierit
Farudin Arapi, administrator i inceneratorit të Fierit

Së dyti, pse Farudin Arapi ka vendosur t’u kërkojë bashkive të qarkut të Fierit një tarifë prej 12 eurosh/ton mbetje, ndërkohë që investimi nuk ka përfunduar dhe inceneratori nuk punon?

Çfarë do të bëjë Farudin Arapi? Do të mbledhë mbetje, do t’i bëjë malet me mbetje ashtu siç ndodhi me Elbasanin, do të marrë para nga bashkitë, që më pas të përfundojë investimin. A nuk është ky një dëm ekonomik i shkaktuar?

Së treti, që tregon se nuk është përfunduar investimi për inceneratorin e Fierit.

Shënim/ Skandali që na zbulon SPAK me inceneratorin e Fierit

Dhe së fundmi, SPAK-u ndoshta është mashtruar nga ekpertët, që kanë nxjerrë këto vlera, sepse do të duhet të hapen letrat për të parë sa i thellë është dëmi që ka ndodhur në inceneratorin e Fierit, i cili nuk mund të fillojë dhe nuk mund të mbarojë me emërimin e Farudin Arapit, që po kërkon të mbledhë para për të përfunduar investimin në inceneratorin e Fierit, ku sipas kontratës koncesionare në momentin që përfundonte investimi duhet të merrej në administrim nga bashkitë.

Por inceneratori nuk punon, është jashtë funksionit dhe dëmi ekonomik nuk është ai i përllogaritur nga SPAK-u dhe Farudin Arapi po merr para duke tentuar të përfundojë investimin dhe të mbulojë një skandal edhe më të thellë në lidhje me inceneratorin e Fierit./ CNA.al





Lajmet e fundit nga