E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

“Riders Legend Korça” / 600 motoristë nga vendi dhe bota dhurojnë spektakël

11 Qershor 2023, 11:18, Aktualitet CNA

“Riders Legend Korça” / 600 motoristë nga vendi dhe bota

"Riders Legend Korça" rikthen për herë të pestë në qytetin e Korçës, grupe motoristësh nga rajoni. Me një pjesëmarrje prej më tepër se 600 motoristësh, e të apasionuar me këtë lloj sporti, prej pasdites e deri në mesnatë kanë shijuar atmosferën fantastike. Organizatorët e këtij eventi kanë treguar rëndësinë e veçantë që ka ky aktivitet, pasi sjell një frymë të re për qytetin, krahas atraksioneve që i njohim të gjithë.

“Riders Legend Korça” / 600 motoristë nga vendi dhe bota

“Ky grup është krijuar në 2018. Është edicioni i pestë që bëjmë këtë organizim. Marrin pjesë njerëz nga të gjitha vendet, edhe nga Maqedonia, Greqia dhe Kosova. Obligimi ynë që ka qenë i përvitshëm për të shkuar te festat e grupeve të tjera ka bërë të mundur që edhe këto grupe të na kthejnë vizitën me pjesëmarrjen e tyre”, ka thënë një prej pjesëtarëve të grupit që ka organizuar eventin.

“Është një vlerë e shtuar për qytetin. Korça dihet është një atraksion i madh për Shqipërinë dhe rajonin. Është një vlerë e shtuar në kuptimin, që është diçka ndryshe, jo lokale, jo hotele, jo restorante, jo tradicionale. Është diçka shumë e bukur. Ka goxha pjesëmarrje. Këtë vit presim pjesëmarrje akoma edhe më të madhe. Është diçka avangarde për qytetin tonë. Beasoj se ia vlen ky lloj organizimi dhe kjo lloj pjesëmarrjeje”, tha një tjetër pjesëtar i grupit Riders legend Korça.

“Ndjesia më e bukur për ne si grup. Kjo është festa më e madhe për ne. Çdo vit po bëhet më e madhe nga herët e tjera. Po bëhen 5 vjet tashmë nga themelimi që në 2018. Shpresoj t’ia kalojmë bukur”, shtoi një tjetër motorist.

Motoristë nga Shqipëria, Kosova, Maqedonia, Greqia por edhe nga Suedia, kanë marrë pjesë në këtë event, duke udhëtuar nga qytetet e tyre drejt Korçës, disa për herë të parë, por ka edhe nga ata që rikthehen me mbresa për qytetin. Motoristët kanë dhuruar një spektakël për qytetin, duke ekspozuar motorët në një "xhiro" në bulevardet kryesore të qytetit të Korçës./CNA