web counter
LEXO PA REKLAMA!

SHKARKO APP

App Store
Google Play

“Manipulimi në burgje”/ Shullazi bëri presion për të votuar Erion Veliajn

9 Qershor 2023, 12:51, Aktualitet CNA

“Manipulimi në burgje”/ Shullazi bëri presion për

Të tjera denoncime dhe akuza ka bërë në konferencën me gazetarët ish-kryeministri Sali Berisha, sa u përket manipulimeve dhe farsës zgjedhore siç e quan ai.

Sot, Berisha ka deklaruar se, në burgun 313, të burgosurit nga grupi i Emiljano Shullazit dhe vetë Shullazi u kanë bërë presion të burgosurve të tjerë për të votuar për Erion Veliajn.

Sipas ish-kryeministrit, Shullazi dhe grupi i tij, është lejuar në kundërshtim flagrant me rregulloren e burgut, të kalojë nga kati në kat për të ushtruar terror mbi të burgosurit për të votuar për Erion Veliajn.

Gjithashtu ai është shprehur se të burgosurve u është kërkuar deklaratë, por ka nga ata që kanë refuzuar deklaratën për dinjitetin dhe nuk kanë firmosur për të votuar për Erion Veliajn.

“Gjithashtu një manipulim i tmerrshëm është bërë në burgjet e Shqipërisë. Informoj publikun se në burgun 313, ku ndodhen rreth 600 të burgosur, të burgosur nga grupi i Shullazit dhe vetë Shullazi, u janë bërë format më të egra të presionit.

Shullazi dhe grupi i tij, janë lejuar në kundërshtim flagrant me rregulloren e burgut, të kalojnë nga kati në kat për të ushtruar terror mbi të burgosurit për të votuar për Erion Veliajn. Të burgosurve u është kërkuar deklaratë, por ka nga ata që kanë refuzuar deklaratën për dinjitetin dhe nuk kanë firmosur për të votuar për Erion Veliajn. Në listën e zgjedhësve ka pasur gjithsej 130 votues, në ditën e votimit kanë votuar 300 votues”, ka thënë Berisha.





Lajmet e fundit nga