LEXO PA REKLAMA!

SHKARKO APP

E fundit!

x

Gjekmarkaj kundërshton kandidaturën e Mustafa Nanos për ambasador/ “Do doja dikë me eksperiencë dhe jo një anonim”

12 Qershor 2023, 14:53, Aktualitet CNA

Gjekmarkaj kundërshton kandidaturën e Mustafa Nanos për

Sot në Komisionin për Politikën e Jashtme është zhvilluar dëgjesa publike me të tjerë kandidatë për ambasadorë, ku mes tyre ishte dhe Mustafa Nano.

Në fjalën e tij para anëtarëve të komisionit është shprehur se do të përmirësojë marrëdhëniet mes dy vendeve dhe se do të punojë me shumë dëshirë për ta përmbushur këtë detyrë.

Është moment i veçantë, sepse kam më shumë se dy dekada që nuk e kam menduar se do ndodhesha në këtë detyrë. Nuk e kam aspiruar këtë pozicion. Por megjithatë shpresoj që detyra e ambasadorit që unë po kërkoj të jetë po ashtu interesante, por nuk kam dyshime sidomos edhe për faktin që do të jem në Zvicër, (nëse do të zgjidhem), sepse është një vend që e dua shumë dhe e kam dashur gjithmonë… besoj bini në një mendje me mua që është një vend i mrekullueshëm!

Është një vend i mirë për të bërë detyrën e ambasadorit sepse ka një komunitet shqiptarësh aty. E kam përfytyruar punën e ambasadorit si një detyrë të fisshme dhe shumë aktive në vendin ku është. Do kuroj marrëdhënie mes dy shteteve, do ta bëj këtë me dëshirë dhe me zell”, tha ai mes të tjerash.

Nga ana tjetër deputeti Agron Gjekmarkaj, ka kundërshtuar kandidaturën e tij duke thënë se për këtë post do të preferonte një person me eksperiencë dhe jo një anonim në jetën publike.

“Do preferoja një të Ministrisë së Jashtme që ka 30-40 vite eksperiencë, përballë, e jo një anonim nga jeta publike që mund të jetë hyzmeqari i dikujt, që nuk i çon asnjë peshë Shqipërisë, por e shëmton shërbimin diplomatik”, tha Gjekmarkaj./ CNA

Lajmet e fundit nga