web counter
LEXO PA REKLAMA!

SHKARKO APP

App Store
Google Play

Raporti: Shqipëria, 350 milionë euro nga taksapaguesit për inceneratorë inekzistentë prej korrupsionit

29 Prill 2026, 19:00, Aktualitet CNA

Raporti i hartuar këtë muaj nga Bankwatch, për projektet e inceneratorëve në Ballkanin Perëndimor, ndalet edhe në rastin e Shqipërisë.

Siç theksohet nga ekspertët e raportit, projektet e djegies kanë treguar se dëmtojnë cilësinë e ajrit, shëndetin publik dhe ekonominë. Në të njëjtën kohë, ato shpesh çojnë në një rritje të ekonomisë gri dhe korrupsionit.

Raporti analizon në mënyrë kritike edhe tre projektet për inceneratorët në Shqipëri, të Tiranës, Elbasanit dhe Fierit, që nuk u bënë kurrë funksionalë dhe u kanë kushtuar taksapaguesve 350 milionë euro në detyrime afatgjata për 30 vite të koncesionit, sipas auditimit të bërë nga KLSH, por që janë ende jo-operacionalë për shkak të korrupsionit, kontrave pa tender dhe mosrealizimit. 

“Tre projektet e dështuara të inceneratorëve të mbetjeve në Shqipëri janë në Tiranë, Fier dhe Elbasan. Ato  u kanë kushtuar taksapaguesve mbi 350 milionë euro në detyrime afatgjata për shkak të korrupsionit, kontratave pa tender dhe dështimit për të realizuar. Elbasani mori mbi 24 milionë euro, megjithatë inceneratori nuk u bë kurrë funksional. Tirana mori 150 milionë euro për një strukturë që nuk u përfundua kurrë. Nuk ekziston asnjë impiant funksional pavarësisht viteve të pagesave. Fieri mori 35 milionë euro deri në mesin e vitit 2022, duke përfshirë 4 milionë euro në fatura të falsifikuara për punë të papërfunduar”,-thekson raporti.

Shqipëria përfshihet kështu mes 6 vendeve të rajonit, ku qeveritë vazhdojnë të promovojnë djegien e mbeturinave për gjenerimin e energjisë përmes projekteve me inceneratorë të dështuar dhe ku infrastruktura kombëtare për mbeturinat mbetet e pazhvilluar, ku shumica e mbetjeve hidhen në vendgroposje ashtu siç janë, pa i ndarë mekanikisht.

Sipas raportit, Shqipëria gjendet mes shteteve të Ballkanit që janë larg ende larg zhvillimit të sistemeve të menaxhimit të mbetjeve, që do të ndihmonte në riciklim dhe do të çonte në një nivel të konsiderueshëm të prodhimit të lëndëve djegëse të nxjerra nga mbeturinat./CNA

 

 





Lajmet e fundit nga