web counter
LEXO PA REKLAMA!

SHKARKO APP

App Store
Google Play

Pse gënjeu Veliaj për njerëzit e inceneratorëve?

11 Nëntor 2023, 11:12, Aktualitet CNA

Pse gënjeu Veliaj për njerëzit e inceneratorëve?

Kryebashkiaku Erion Veliaj ka gënjyer duke mohuar njohjet e tij me njerëzit e inceneratorëve.

Gënjeshtra e tij ka dalë zbuluar pasi një ditë më parë grupi i ekspertëve përmes një deklarate të dhënë nga ish kryeministri Sali Berisha në një konferencë me gazetarët, bëri publike, mesazhe dhe foto ku shihej kryebashkiaku Veliaj krah një prej aksionerëve kryesorë të inceneratorit të Tiranës, Giuseppe Ciaffaglione.

Pse gënjeu Veliaj për njerëzit e inceneratorëve?

Pas këtij denoncimi me mesazhe dhe foto që tregojnë lidhjet e kryebashkiakut me njerëzit e inceneratorëve ekspertët thanë për CNA se tashmë ka të tjera fakte dhe prova të cilat provojnë lidhjet direkte dhe indirekte të kryebashkiakut Erion Veliaj dhe stafit të tij të ngushtë me njerëzit e inceneratorëve, ku nuk përfshihen thjesht dhe vetëm komunikime pune por dhe vendime të rëndësishme me kosto financiare për kompaninë e cila i është vënë në shërbim Bashkisë së Tiranës.

Inceneratori i Tiranës, afera e shekullit vazhdon të denoncohet me fakte dhe prova që tregojnë lidhjet e forta të korrupsionit me politikën, të cilat shkojnë deri te institucionet e larta të drejtësisë.

Një tjetër rast ky Veliaj del zbuluar që ka gënjyer për njohjen e tij me njerëzit e inceneratorëve janë deklaratat e Veliajt gjatë pyetësorit në Komisionin Hetimor për inceneratorët në vitin 2022.

I pyetur nga kryetarja e Komisionit Hetimor në atë kohë, Jorida Tabaku nëse kishte kontakte apo ishte takuar me njerëzit e inceneratorëve Veliaj e mohoi këtë.

“Nuk kam kryer asnjë diskutim apo udhëtim të tillë. Siç thashë jam njohur nga mediat vetëm për udhëtimet e këtyre personazheve me drejtuesin e marrëdhënieve me jashtë të Partisë Demokratike në Zimbabve dhe kam parë ato fotografitë kështu që në qoftë se kjo quhet njohje i njoh nëpërmjet lajmeve të zyrtarëve të Partisë Demokratike për të negociuar kontratën në Zimbabve”, shprehej Veliaj.

Të njëjtën gjë ka deklaruar edhe për ish deputetin Belind Këlliçi, po në komisionin hetimor për inceneratorët , duke mohuar se njeh apo ka takuar , Stela Gugalljan, Klodian Zoton apo Mirel Mërtirin.

“Të gjitha aktivitetet e mia janë publike, unë bëj dasma, funerale, vetëm synetlliqe nuk bëj.

Pra takoj qindra njerëz. Më pyetët si i njohët? I njoha kur pashë Gert Bogdanin në Zimbabve dhe mu fisku ky tipi. Atë tipin pastaj nuk e kam takuar më”, ka thënë Veliaj.

Nga ana tjetër mesazhet e publikuar nga ish-kryeministri Berisha, tregojnë komunikimet mes njerëzve të inceneratorëve, Mirel Mërtirit dhe Klodian Zotos, të cilët duket janë zhgënjyer nga Veliaj, pasi ky i fundit kishte fshehur financimin e tyre dhe ndërtimin e çerdhes e kishte shitur si punë të tijën.

Këto fakte tregojnë qartë se Veliaj gënjeu publikisht shqiptarët. Ndonëse kryebashkiaku i Tiranës tha se në vitin 2022 se nuk i njeh njerëzit e inceneratorëve, faktohet se ai ka pasur njohje me ta që në vitin 2019./ CNA

 





Lajmet e fundit nga