web counter
LEXO PA REKLAMA!

SHKARKO APP

App Store
Google Play

Deklarata e fortë: Veliaj mesazhe për paratë me pronarin e fabrikës së bukës, Balla ndërhyn për të zhdukur bisedat

27 Tetor 2023, 13:49, Politikë CNA
Deklarata e fortë: Veliaj mesazhe për paratë me pronarin e
Erion Veliaj dhe Taulant Balla

Ish-kryeministri Sali Berisha ka bërë një deklaratë të fortë sa i përket çështjes së padisë ndaj ish-zv.kryeministrit Arben Ahmetaj për privatizimin e ish-fabrikës së bukës në Tiranë. 

Berisha theksoi se pronarit të fabrikës i janë gjetur mesazhet me Erion Veliajn, ku ky i fundit i thotë se do t'i dërgojë paratë në "filan" vend. Sipas Berishës, Balla po merret me zhdukjen e mesazheve mes Veliajt dhe pronarit të fabrikës. 

"Absolutisht asnjë tërheqje nuk do të ketë. Do ketë absolutisht çdo dokument... Meqë jemi këtu, në aktpadinë e dytë kundër Arben Ahmetajt, për fabrikën e miellit, çfarë po ndodh? Në kontrollin që i është bërë korrespondencës së pronarit të ri të fabrikës së bukës, i janë gjetur një seri mesazhesh që Erion Veliaj i dërgon këtij zotërisë duke i thënë që këto para dërgoji në 'filan' vend, këto të tjerat dërgoji në 'X' vend. Taulant Balla personalisht po merret me zhdukjen e këtyre mesazheve. Ua them me përgjegjësi të plotë. Kështu që SKAP-i është një qendër manipulimi të pashembullt. Por prapë kjo nuk do na pengojë ne, sikundër nuk na pengoi denoncimi në këtë rast i këtij akti, të denoncojmë çdo akt. Sepse në një anë është SKAP-i, në anën tjetër është publiku", u shpreh Berisha. 

Kreu i PD-së hodhi akuza ndaj SPAK-ut ku u shpreh se e kontrollon Edi Rama. 

"Ka rast më të shëmtuar dhe klasik, Pëllumb Gjoka, porositës vrasjesh... Pëllumb Gjokës, informohem, nuk i janë sekuestruar investimet strategjike, por vetëm pronë familjare. Se investimin strategjik e ka me Edi Ramën, si mund të shpjegohet kjo?
Pra, nuk ka asnjë lloj hezitimi. Ne jemi tani në betejën pa kthim. Unë e kam sulmuar qeverinë më shumë se kurrë këtë javë. Nëse unë them se ky është procesi politik i shekullit, ky është sulm ndaj qeverisë, jo mbrojtje ndaj meje.
Kam zbërthyer para jush një mashtrim të turpshëm monstruoz. E dini ju se në atë kallëzim penal rreshtohen nja 18 akuza, që të gjitha absolutisht mashtrim dhe false. Dhe unë i kam rrëzuar këtu para jush. Unë kam faktuar se çfarë karakteri ka regjimi i Edi Ramës dhe i drejtësisë. Të hetosh 3 vjet rresht, të mos thërrasësh kurrë ata që akuzon, të përfundosh pa gjetur asnjë provë dhe t’i dërgosh si masa sigurie për persona në hetim, këtë e bën vetëm Edi Rama me mercenarët e tij, nuk mund ta bëjë njeri kurrë. A e patë atë enveristen dje? Ç’ishte ajo mo? Ajo mirë e boll që nuk kishte nxjerrë Enver Hoxhën në shtrat, por kishte nxjerrë Edi Ramën. Këtë gabim nuk e kishte bërë se do quhej nekrofili", u shpreh Berisha./CNA

 

 





Lajmet e fundit nga