web counter
LEXO PA REKLAMA!

SHKARKO APP

App Store
Google Play

Rama flet greqisht në Dropull/ “Vëllezërit kanë edhe sherre e keqkuptime, do kalojnë”

27 Tetor 2023, 11:02, Politikë CNA
Rama flet greqisht në Dropull/ “Vëllezërit kanë edhe
Kryeministri Edi Rama

Kryeministri Edi Rama ka shkuar këtë të premte në Dropull, ku ka përuruar sheshin e Derviçanit, i cili do të mbajë emrin e ish-kryeministrit grek Konstantinos Mitsotakis, babain e shefit të qeverisë aktuale helene, Kiriakos Mitsotakis.

Sapo mori fjalën, kryeministri Edi Rama përshëndeti të pranishmit në gjuhën shqipe dhe më pas në gjuhën greke.

Rama nuk la pa përmendur edhe tensionet mes Tiranës dhe Athinës për shkak të arrestimit të kryebashkiakut të zgjedhur të Himarës, Fredi Belerit.

Kreu i qeverisë deklaroi se vëllezërit kanë herë pas here sherre e keqkuptime, por theksoi se këto janë gjëra që kalojnë.

“Hera-herës politika me nevojat e saj elektorale, jodomethënëse për fatet e vendeve tona trazon rrjedhën e vëllazërisë tonë, por janë gjëra që kalojnë.

Mirë do ishte të mos ndodhin, por kalojnë edhe sherre e keqkuptime mes vëllezërish që jetojnë në shtëpi të ndryshme. Keqkuptimet jo vetëm kalojnë, por e bëjnë më të fortë lidhjen e pandashme mes dy popujve tanë. Nuk e di nëse Konstantinos Mitsotakis po na sheh nga lart, më pëlqen të mendoj që edhe dielli që u shfaq është buzëqeshja e tij.

Po e mbyll duke uruar që Shqipëria dhe Greqia të kenë më shumë njerëz të ngjashëm me njeriun në këtë bust. Ajo që na ndan nuk e largon kurrë atë që na bashkon. Jemi dy popuj që ngjajmë si dy pika uji”, nënvizoi kryeministri.

Ndërkohë, ashtu si në nisje të fjalimit, edhe në mbyllje, Rama foli greqisht./ CNA





Lajmet e fundit nga