web counter
LEXO PA REKLAMA!

SHKARKO APP

App Store
Google Play

E fundit!

x

“Rama na ka bllokuar si kurrë ndonjëherë”/ Berisha: Beteja në Parlament, përgjigjja më e shkëlqyer

25 Tetor 2023, 12:54, Politikë CNA
“Rama na ka bllokuar si kurrë ndonjëherë”/ Berisha:
Ish-kryeministri Sali Berisha

Ish-kryeministri Sali Berisha ka thumbuar kryeministrin Edi Rama gjatë mbledhjes me kryesinë e PD-së në selinë blu.

Berisha tha se Rama mendon se opozita nuk ka më asgjë përveç të drejtës së fjalës në Parlament, pasi e ka bllokuar në të gjitha anët.

Por ai pretendon se grupi parlamentar i dha kreut të qeverisë përgjigjen më të shkëlqyer, betejën që nisi nga Parlamenti, duke iu referuar bllokimit të seancës plenare.

“Kurrë ndonjëherë, kurrë, nuk ka ekzistuar një opozitë parlamentare e bllokuar si opozita parlamentare e Shqipërisë.

Një opozitë e cila, si një armike, nuk i jepen dokumentet nga ministritë dhe agjencitë për të përmbushur detyrimet e saj. Një opozitë, së cilës i shkelmohet e drejta kushtetuese për të ngritur komisione hetimore. Një opozitë, e cila nuk mund të thërrasë në komisione ministrat për të kërkuar llogari dhe përgjegjësi atyre për keqqeverisjen ekstreme. Një opozitë, e cila harton ligje në përputhje me detyrimin e saj kushtetues, me garancitë kushtetuese, harton amendamente, harton rezoluta, i dorëzon në parlament dhe Edi Rama i ndryn ato në sirtarin e parlamentit.

Ai mendoi se tani këta u ambientuan me këtë situatë. Ai mendon se këtyre që u grabita votën, këtyre që u mora vulën, siglën, u bëra çfarë desha, këta tani janë një grup llafazanësh të cilët flasin, po le të flasin. Po në parlament ata nuk mund të kenë asnjë aktivitet real përveç asaj të foltores.

Mendoj se mbledhja e grupit parlamentar i dha përgjigjen më të shkëlqyer kësaj situate. Deputetët vendosën të fillojnë vetë betejën. Ta fillojnë në parlament, aty ky shkelmimi i përfaqësimit të interesave të qytetarëve shqiptarë është në shkallë esktreme.

Dhe, sot janë 600 mijë qytetarë, të cilët ndjekin me shqetësim shumë të madh këto zhvillime. Por ama, përsëri shpresa e vetme e tyre jemi ne”, theksoi kreu i PD-së./ CNA





Lajmet e fundit nga