web counter
LEXO PA REKLAMA!

SHKARKO APP

App Store
Google Play

Berisha paralajmëron Ramën/ "Na ke shpallur luftë, do të përgjigjemi me gjithë forcën tonë"

24 Tetor 2023, 13:49, Politikë CNA
Berisha paralajmëron Ramën/ "Na ke shpallur luftë, do
Ish-kryeminstri Sali Berisha

Ish-kryeminstri Sali Berisha ka bërë një paralajmërim për kryeministrin Edi Rama gjatë një konference për mediat, ku foli për akuzat e ngritura ndaj tij për privatizimin e ish-kompleksit “Partizani”.

Berisha tha se Rama i ka shpallur luftë totale opozitës, ndaj këta të fundit do t’i përgjigjen me gjithë forcën e tyre.

Ai deklaroi se procesi gjyqësor ndaj tij, është procesi më politik i këtij shekulli.

“Siç e dini, Edi Rama i ka shpallur luftë opozitës dhe unë u them demokratëve kudo që janë, se me aktin e fundit, ai ka shpallur një luftë totale, për të cilën ne do t'i përgjigjemi me të gjithë forcën dhe mundësitë tona.

Procesi është procesi më politik i këtij shekulli.

Në proces nuk është vetëm Sali Berisha dhe familjarët e tij, jo, absolutisht.

Në proces janë reformat epokale të PD-së, të cilat goditen nga një gardë pretoriane, të cilat goditen nga falanga politike krimi, në një analizë që dëshmon urrejtjen e tyre për reformat e tregut të lirë dhe demokracisë që ka ndërmarrë PD në vite.

Çdo demokrat duhet të ndihet krenar me to”, theksoi kryedemokrati./ CNA





Lajmet e fundit nga