web counter
LEXO PA REKLAMA!

SHKARKO APP

App Store
Google Play

"Dokument paçavure i Ramës"/ Berisha: Larot e SPAK-ut nuk kanë gjetur asnjë dëshmitar për përfshirjen time

23 Tetor 2023, 12:32, Politikë CNA
"Dokument paçavure i Ramës"/ Berisha: Larot e SPAK-ut nuk
Sali Berisha

Ish-kryeministri Sali Berisha u shpreh se dosja e SPAK-ut për privatizimin e ish-kompleksit "Partizani" është dokument paçavure i Edi Ramës dhe larove të tij skapistë, është një fletërrufe. 

"Pasi u njoha me dokumentin paçavure të Edi Ramës dhe larove të tij skapistë, deklaroj me përgjegjësi të plotë, para shqiptarëve se kemi të bëjmë me një dacibao, fletërrufe për ata që nuk e dinë se çfarë janë, që në çdo paragraf shpreh dufet dhe urrejtjet e përroit psikik të Edi Ramës, ligësinë e tij shpirtëore dhe të skapistëve që ndajnë të njëjtin moral me të. Ajo është një kosh me gënjeshtra, shpifje të ulëta, manipulime dhe trillime monstruoze, të cilat faktojnë karakterin politik dhe amoral të masave të sigurisë të vendosura ndaj Sali Berishës dhe Jamarbër Malltezit, këtij të fundit për fajin e vetëm se është dhëndri im. Në këtë rast deklaroj se cilido që lexon paçavuren dacibao të Ramës dhe skapistëve të tij, vetiu arrin në këto konkluzione. Në privatizimin e kompleksit të klubit Partizani, në zinxhirin e pafundmë të shpifjeve, pas tri vitesh të bazuar në kallëzimin e rremë politik, Edvini dhe larot e tij, nuk janë në gjendje të japin as dhe një provë, fakt apo dokument të vetëm se në procedurat e privatizimit të klubit Partizani është shkelur ndonjë ligj, normë apo praktikë ligjore e këtij vendi", u shpreh Berisha. 

Berisha theksoi se SPAK bashkë me Ramën nuk kanë gjetur asnjë person që të thotë që në procesin e privatizimit të pronave ka ndërhyrë Sali Berisha. 

"Së dyti, në dacibaon e tyre, Edvini dhe larot e tij skapiste, pas tri e më shumë vitesh hetime, në qindra e qindra dokumente, nuk kanë gjetur qoftë dhe një të vetëm se toka e kthyer 64 pronarëve të pesë familjeve fisnike të Tiranës, njëri prej tyre është Abi Malltezi, nuk ka qenë trashëgimi e tyre në breza, përveç pishinës, e cila ka qenë pjesë e klubit të Partizanit dhe ka qenë detyrim ligjor për t’u privatizuar dhe copëzat përreth të pronës, që detyron çdo pronar t’i blejë me çmim tregu. Së treti, në hetimin e tyre policesk 3-vjeçar, Edvini dhe larot e tij skapistë, në dhjetëra e dhjetëra dëshmi të ish-punonjësve publikë që kanë marrë pjesë në këtë procedurë, nuk kanë gjetur edhe pas 15 vitesh të përfundimit të saj, qoftë dhe një person të vetëm që të pohojë se kemi pasur ndërhyrjen më të vogël nga Sali Berisha apo Jamarbër Malltezi për këtë vendimmarrje. Ndjesë se harrova, në dacibaon e tyre, Edvini dhe skapistët e tij, kanë sjellë një dëshmi për Malltezin, atë të një personi që thotë se më ofruan një apartament, por nuk mbaj mend se kush ma ofroi", tha Berisha./CNA





Lajmet e fundit nga