web counter
LEXO PA REKLAMA!

SHKARKO APP

App Store
Google Play

E fundit!

x

E zhdukur nga skena dhe ekrani prej një dekade/ Çfarë ka ndodhur me Elsa Lilën, këngëtarja zbulon detajet

11 Nëntor 2023, 10:09, Aktualitet CNA
E zhdukur nga skena dhe ekrani prej një dekade/ Çfarë ka
Elsa Lila, këngëtare

Këngëtarja shumë e dashur për publikun shqiptar Elsa Lila, për një dekadë nuk është shfaqur në ekrane apo në muzikë, duke i bërë të gjithë të mendonin se ajo tashmë e kishte mbyllur karrierën e saj muzikore.

Por ajo u rikthye në nëntor me një koncert si dhe mori pjesë në Festivalin e Këngës.

Më tepër detaje ajo tregon në intervistën me kryeministrin Edi Rama, ku shprehet se gjatë kësaj kohe ajo është marrë me jetën e saj private dhe artistike ku tregon se ka studiuar muzikën baroke.

Pjesë nga intervista

Kryeministri Edi Rama: Dhe edhe unë, për pak u bëra si ata që mendojnë se iku Elsa Lila, nuk është më. U zhduk përgjithmonë, por për pak sepse tamam kur edhe unë mund të bija pre e këtij mendimi të gabuar, ti u rishfaqe në Tiranë me një koncert që kishte një titull që e ka edhe kraharori yt, Finalmente. Domethënë më në fund Elsa u rishfaq që përkthehet, më në fund e morëm vesh që Elsa është gjallë.

Elsa Lila: Po, Edi. Ashtu siç ti the, ashtu siç ju thatë..

Kryeministri Edi Rama: Lëre ‘’ju-në’’..

Elsa Lila: Dakord, ashtu siç ti the, ka kaluar një kohë e gjatë larg kamerave, larg publikut, por për mua koha është totalisht relative. Nuk e mat kohën me muaj, me vite, sa me kualitetin e kohës së kaluar dhe unë e kam ndjerë të nevojshme të jem larg publikut, larg syrit të kamerave për një kohë të gjatë për shumë arsye. E para, për arsye familjare, e dyta për arsye artistike. Të më falësh për zërin, por dje ka qenë një natë e gjatë post-koncertum, pasi kam pritur publikun deri vonë edhe e kam zërin pak të lodhur sepse pas koncertit ata dëshironin, kam pritur rreth 1500 persona që vinin të më takonin dhe të merrnin autografe dhe fotografi dhe ishte një takim live dhe pas 10 vitesh dhe me ta, nuk mund tua kurseja pas koncertit një përqafim me Elsën, pasi kishin kaq vite pa e parë. Pra, pse u zhduka? Ndoshta është kurioziteti i njerëzve. Në fakt nuk u zhduka. Jetova. Jetova në Romë. Studiova muzikë baroke. Kam bërë shumë eksperienca të tjera që më kanë pasuruar dhe që më lejuan që të rikthehem akoma më e fortë, më e përgatitur artistikisht, me më shumë ide inovative edhe sepse kam evoluar në idetë e mia artistike, ndonëse në koncertin tim, i cili ishte një revivel i këtyre 27 viteve karrierë që kam bërë që nga 1996, si të thuash performova këngët që kam realizuar në këto 27 vite, por ndërkohë kam evoluar konceptualisht, artistikisht pasi po merrem me muzikë baroke, pra muzikë që u ndodh mes 1600-ës dhe mesit të 1700-ës, duke eksperimentuar me zë natyral. Natyrisht muzika nuk tregohet me fjalë, duhet dëgjuar dhe shpejt shpresoj që të mund të vij në Shqipëri, në opera këtë radhë, sepse është një muzikë që është më e përshtatshme për operan. Më në fund t’ju  tregoj konkretisht për këtë të famshme muzike baroke për të cilën po flas prej shumë kohësh në intervista.

Ideja është shumë revolucionare në fakt. Ka 300 vjet që kjo muzikë këndohet, pra flas për muzikën e kënduar baroke, jo atë të luajturën. Këndohet me zë të impostuar, pra me zë të impostuar në mënyrë klasike dhe unë mendoj se ky lloj impostimi, e largon pak dëgjuesin e thjeshtë nga materialet baroke. Materialet baroke janë pak të vështira për t’u dëgjuar, por kur përcillen me një zë të impostuar, - i cili është i mrekullueshëm natyrisht, babai im është një tenor dhe unë i adhuroj zërat e impostuar. Unë jam rritur në operan e Tiranës, jam rritur mes zërave të impostuar, - publiku që e ka veshin të pakultivuar me këtë lloj muzike, trembet paksa, krijon një lloj distancimi mes interpretuesit dhe dëgjuesit, ndërsa../ CNA





Lajmet e fundit nga